No.5126/2020-2021
Dated Serchhip, the 16th September, 2020: Pu Kumar Abhishek, IAS, District Magistrate, Serchhip District, Serchhip chuan dan lova Lui Sanghate man leh Nghafuan ven khapna thupek hetiang hian a tichhuak.
Mizoram chhunga lui hrang hranga Sangha te hi man dan chi hrang hrangin an man thin a. Fisheries Department atanga thu kan dawn danin Gelatine, Tur leh dynamo te hi sangha man nan hman thin a ni tih hriat ani a. Hei hian kan luia sanghate nasa takin a ti chereu-in an pung tur a ti thuanawp nasa hle a ni. Tunah pawh hian Sangha te inthlahpung tura an fuan a lo hun leh tan ta a, chuvangin luia Sangha te hi tha taka kan humhalh a ngai a ni.
Chuvangin kei, KUMAR ABHISHEK, IAS, DISTRICT MAGISTRATE, SERCHHIP DISTRICT hian Section 144 Cr.PC in thuneihna min pek angin Serchhip District huam chhunga lui hrang hranga Sangha te hi tura hrai te, Dynamo leh Gelatine hmanga man te hi khap a ni a, nghafuan ven pawh hi khap a ni bawk.
He thupek hian thu leh awm hma chu puan a nih atanga thla hnih (2 months) chhung a huam ang.
He thupek zawm lo te chu Section 188 IPC dan hmanga hrem an ni ang.
He thupek hi Vawiin 9th September, 2020 hian District Magistrate Seal chhu-a nemnghetin ka hming ka ziah hnan e.
