No.6751/2020-2021
Dated Serchhip, the 3rd December, 2020: Pu Kumar Abhishek, IAS, District Magistrate, Serchhip District chuan a hnuai ami ang hian Halpuah leh Halmawi lam chi khapna thupek a chhuah.
Halpuah leh halmawite hian nasa takin mihring hriselna a tichhe theiin, boruak a tihchhiat leh tih bawlhhlawh mai bakah ri bengchheng a siam a, silai lem a mu nei chite hian mihring piansualna a thlen tak fo bakah tul lova sum khawhralna a ni bawk. Tin, tunlaiah COVID-19 hripui leng avangin hetiang halpuah leh halmawi halte hian boruak a ti bawlhhlawh in mihring hriselna atan thil pawi a thlen thei a. Chuvangin, Serchhip District mipuiten hriselna tha tak kan lo neih theih nan leh sum leh pai tam tak kan khawhral loh nan heng hunpui kan neih - Krismas leh Kumthar hlim tlang tak leh thlamuang taka kan hman theih nan khapna thupek chhuah tulin ka hria a.
Kei, KUMAR ABHISHEK, IAS, District Magistrate, Serchhip District, Serchhip hian Sec 144 CrPC, 1973 in thuneihna min pek angin hetiang hian thupek ka chhuah e.
Serchhip District huam chhungah Kum 2020 Krismas leh Kum 2021 Kumthar vuakvetah -
1. Halpuah, halmawi, sky lantern leh puakthei thil dang boruak thalo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni.
2. Naupang silai lem a mu hmang chi reng reng lakluh, zawrh leh hralh khap tlat a ni.
He thupek hian thu leh awm hma chu puan a nih atanga thlahnih(2) chhung a huam ang.
He thupek hi vawiin Ni 2nd December, 2020 hian Court Seal chhu-a nemnghetin hming ka ziah hnan e.
