No.4714/2020-2021

Dated Serchhip, the 3rd September, 2020: Serchhip District Bawrhsap Pu Kumar Abhishek, IAS, District Magistrate, Serchhip District chuan a hnuai a mi ang hian hriattirna a chhuah.

COVID-19 hrileng avanga Mizoram Sorkarin Mizoram State chhunga Lockdown a kalpui lai chu dt 30.09.2020 thleng kalpui chhunzawm zel turin Order No.B.13021/101/2020-DMR/Pt-III dt.31.08.2020 a chhuah a.

COVID-19 hrileng avanga Lockdown kalpui chhunzawm zel tura Mizoram Sorkar thuchhuah bawhzuiin leh, COVID-19 hrileng avanga Serchhip District mipuite nunna, hriselna leh sahimna ngaihtuahin khapna thupek chhuah hi tih loh theih loh, tul ngei niin ka hria a.

Chuvangin kei, KUMAR ABHISHEK, IAS, District Magistrate, Serchhip District hian ‘Section 144 of CrPC 1973’-in thuneihna min pek angin hetiang hian thupek ka chhuah e.

SERCHHIP Town area chhungah vantlang hmunah leh hnathawhna hmunah, vawikhatah mihring 5 (panga) aia tam pun khawm khap tlat a ni.

SERCHHIP Town area chhungah zan dar 8:30 leh zing dar 4:30 inkarah pawn chhuah khap tlat a ni.

He thupek hian a hnuaia tarlante hi a huam lovang:
1. Magistrate leh Police.
2. Hospital & Medical Emergency.
3. PHE, PWD, P&E leh Excise & Narotics Deptt. a thawk, duty neite.
4. Media lama thawkte.
5. VLTF Duty te.
6. District Magistrate-in phalna a bika pekte.

He thupek hian District Magistrate, Serchhip Order hmasa No. J. 12017/2/2020-DEC (SRCP)/412 dt.10.08.2020 chu a thlak (supersede) ang a, thu leh awm hma chu chhuah a nih atanga thla 2 (two months) a huam ang. He thupek zawm lo chu Sec. 188 IPC hmanga hrem theih an ni ang.

He thupek hian vawiin 2nd September, 2020 hian District Magistrate Seal chhu-a nemnghetin ka hming ka ziahhnan e.