2555/2026-2027

Serchhip, the 7^th October, 2026: Vawiin khan Serchhip DC Meeting Hall-ah District Mineral Foundation (DMF) Governing Council chu Bawrhsap Pu Paul L. Khuma kaihhruaiin an thukhawm a, Serchhip District tana DMF Fund tling khawm ₹14,55,734/- tangkai taka hman dan tur rel niin, rawtna hrang hrang lutte ngaihtuah ho a ni. 

Heng sum tling khawmte hi District chhunga Minor Minerals - lung, balu leh a dangte lak chhuahna atanga tling khawm niin,  lung, balu leh leilung hausakna (minerals) lak chhuah avanga khawtlang leh kan chhehvel boruak (environment)-in a tawrhna hmun (Mining Affected Areas) hrang hrangte chhawmdawl nan leh hmasawnna ruhrel siam nante hman a ni dawn a ni.

Vawiin thutkhawmah hian Addl. DC Pi Dorothy Muansangi, Sadar Pi Rebecca Laldinmawii Hrahsel, SDC Pu Vanthangpuia, Geologist Pu Zoremsanga, Directorate of Geology & Mining bakah District chhunga Sawrkar Department hrang hrang aiawhte, Sub-Hqrs YMA aiawhte, Self Help Group aiawhte leh Mineral Concession Holder aiawhte an tel a ni.