2093/2025-2026

Dated Serchhip, the 6th November, 2025: Vawiin khan Serchhip District Registering Authority chu Clinical Establishment Act chungchang sawiin a tumkhat nan DC Pu Paul L Khuma kaihhruaina hnuaiah DC Meeting Hall-ah an thukhawm.

Pu Paul L Khuma chuan Clinical Establishment Act chu mi nawlpui tan thil thar, kan la hmelhriat loh a nihna a awm a, mipuiin chiang taka an hriatfiah theih nana hmalak a pawimawh hle a ni, a ti a. Thiamna nei lova damdawi inchawhin a nghawng pawi theihzia hria a, nunna hlu tak chan theihna pumpelhna turin theihtawp chhuah a tul hle a ni a ti.

Dr. Albert Ngurnuntluanga, District Level Coordinator, Serchhip CEA chuan Doctor anga inchhalte leh thiamna nei si lova damdawi sang tak tak lo chawh ve thinte laka mipui an him theih nan leh ven nan District Registering Authority chuan hma an la dawn a, an vilzui zel tur thu a sawi bawk. Mipuite pawh fimkhur nachang an hriat a tul thu a sawi a ni. Dan lo anga damdawi leh a kaihnawiha ti thinte lakah hremna pek theih a nih dante a sawi a ni.

Meetingah hian Clinical Establishment Act hnuaia in register theih dante leh dan lova hmalate hremna dan awmte sawi a ni a. Tun dinhmunah Serchhip District ah Clinic reagister hi 28 awmin, register loh clinic 1 leh laboratory 1 a awm mek thu sawi a ni a. District Registering Authority in Permanent registration pek theih dan leh a dil thei chinte sawi niin, mithiamin an endik hnuah pek tlak ni a a hriatte pek thin an ni ang.

Meetingah hian Sr. CMO Dr. LP Malsawma, DMS Dr. ZD Lalmuanawma, Addl SP Pu H. Lalduata leh Join VC chairman Pu R. Sanghmingthanga te an tel a ni.