1285/2022-2023

Dated Serchhip, the 19th July, 2022: Vawiin khan Serchhip District Road Protection Squad te chuan an Chairman leh bawrhsap mawhphurhna la mektu Pu Lalmuansanga Ralte, MCS, hovin Serchhip khaw chhung kawngpuite an endik tana, veng pahnih enin kawngpui neka bungraw dah, Tuizem, pangpar, lirthei, hmanraw leh thildang dahte chu hun tiam chhunga insenghawi turin an hriattir.

Vawiina Road Protectioan Squad thawk chhuakte hian IOC Veng, Main Road leh Field vengte an en a, vawiina a an en hman loh veng dangte pawh ni dangah a tahtawlin an en zel dawn a ni. Khawpui thang zelah kawngpui awm ang ang te lirthei tan leh kea kalte tana him kawngpui kan mamawh a, a theih anga zauva kan neih zel theih nan venhim zel a tul bawk a. Hei vang hian Road Protection Squad chuan Serchhip khawpui chhunga kawngte hi a him tawk em? Vantlang tana hnawk thama kawngpui nek an awm em? Kawng kama dawr leh Workshop neiten kawng an nek nasa lutuk em? Lirthei neitu kawngpui kama lirthei dah nghet tlat thin an awm em? tihte chipchiar taka en an rel a. An endiknaa chutiang mi an hmuh apiangte chu insingsa tura hrilhin lehkhain an umzui leh dawn a, an hun bituk chhunga an lo insingsa fel lo a nih phei chuan an chunga hmalak zui dan tur an ngaihtuah leh dawn a ni.

Pu Lalmuansanga Ralte chuan, kan khuain hma a sawna, a lo mawi a, a lo felfai zawk theih nan kawngkama cheng chhung tinte kan pawimawh hle a. Vantlang mamawh kan inkalpawhna kawngpuite venhim a nih zel theih nan theihtawp i chhuah tlang ang u. Chhungtinin kawngpui hnaih kan duh theuhva kan mamawh vang a ni, nimahsela kan mamawh em em kawngpui hi mahni nawmsakna leh awlsamna zawn luatah kan lo nek riral ve thei bawk a, kan tu leh fate pawhin a la rawn rin zui ve zel tur thil pawimawh hi i venghim ang u tiin mipuite a sawm a ni.

Attachment

  • Loading attachment...