No.3426/2019-2020
Serchhip District Supply Chain Management Committee te chuan nimin khan meeting neiin, mipui mamawh thil hrang hrang te a viltu bik insiamin an hna chan tur an insem.
An ruahmanna ang chuan, YMA lamin mikhual tangkhang leh chambang zawn chhuah leh a tul anga eitur pek te an umzui ang a. Buhfai, Oil leh Gas dinhmun vil leh bawhzui hnate chu DCSO leh Legal Metrology ten an thawk ang a, ei leh bar mamawh hrang hrang stock position te thlithlai hna chu Consumer Union lamin an thawk ang. Thlai thar seng leh a tul anga a mamawh tute hnena thlen hna Horticulture leh Agriculture Department ten an thawk dawn a ni.
Heng hna chanpual hrang hrang enkawltute hian District Administration ah an harsatna te an thlen thin anga, a tul ang zelin an ngaihtuah tlang thin dawn a ni.
