No.4949/2020-2021

Dated Serchhip, the 10th September, 2020: Vawiin tlai hian Serchhip District Level Task Force on Covid19 te chu an Chairman Pu Kumar Abhishek, IAS, Bawrhsap hovin an thukhawm a, Serchhip dinhmun hrang hrang an thlir.

Chairman Pu Kumar Abhishek chuan, Aizawl lamah Positive hmuh chhuah an tam tak avangin contact tracing kal zelin kan district pawh a nghawng ve thei tih a sawi a. Chutihlaiin tun dinhmunah mipui tan han chiaina tur thil engmah a awm lem lo tih a sawi a. Covid19 laka himna dan hmaikawr vuah that leh kut sil uarte, pawn chhuah tlem te chu nasa zawka zawm deuh deuh turin mipuite a chah a ni. Sawrkar pisa te pawh fimkhurna dan kan neih te zawm thaa, visitors book tha taka vawnga, kutsilna tha taka chhawp ngei turin a chah bawk.

Meeting ah hian Quarantine Facility hrang hrang te, CCC leh DCHC kan dinhmun mek te, Serchhip Quarantine Facility te an khah palha khaw danga Centre kan neih te hman dan turte bakah School lam an inhawn leh huna Centre a hman mek School te thlak dan turte pawh sawi a ni. Heng bakah hian Covid19 kaihhnawih thil pawimawh te ngaihtuah ho a ni.

Aizawl lam Positive Contact hi meeting lai thleng hian Serchhipah pakhat, Thenzawlah pakhat, Chhingchhipah chhungkaw khat leh Bungtlangah chhungkaw khat te hriat an ni tawh a. Heng mite hi inkhung tir nghal vek niin an swab sample a rang thei ang bera laka, Serchhip TrueNat Laboratory ah endik tur an ni ang. Hetihlai hian Aizawl Positive Contact Tracing hi la kal mek a nih avangin kan la inhriat belh ve leh zel thei bawk nia sawi a ni.

Meetingah hian Pu R. Sathyasundaram, IPS, SP Serchhip leh District Task Force member te an an tel a ni.