1755/2026-2027

Dated Serchhip, the 12^th August 2026: Vawiin khan Serchhip Deputy Commissioner Office leh Serchhip District MJA ten Bawrhsap Paul L. Khuma hova rorel bawhzuiin  Serchhip District, Khumtung leh Keitum inkar kawngpui siam that hna kalpui mek dan leh an hmanraw hmante an endik.

Endiktute chuan Baktawng Mualkawi dai atanga Keitum inkar kawngchhe siam hna thawktu KRAM Infracon Pvt. Ltd. te hnathawh chuan duhthu a sam lo hle niin an sawi a. Kawng chhuat khuar (Pot hole) hnawhna tura lung an lo chhawp sa trip 5 lai chu lung chang tha an nih loh avangin paihtir an ni a, lung chang tha zawka thlak ngei tura hrilh niin kawng siamna hmanrua - tha leh quarry lung chang tha leh tlo turte ngei chauh hmang turin kawng siamtute chu an hrilh bawk. Hetih lai hian Shivalaya Construction Ltd. ten Khumtung dai atanga Baktawng Chan In thlen hma Km 5 a thui siam that hna an thawh chu a that thawkhat thu an sawi.

Vawiin vek khan Serchhip DC Office leh Serchhip District MJA te hian Chhiahtlang khaw hrula By-Pass raod Km 2.5 km a thui leh Serchhip By-Pass road Km 11.98 a thui chei that hna thawh mekte pawh an endik nghal a ni. 

Vawiina endik hna thawhnaah hian DC Office tangin NH Line Officer, SDC Pu Chawngthu Lalrinhlua leh Pu H.Vanlalhimpuia NH Staff, DC Office te, Serchhip District MJA President Pu Kapliana Pachuau leh a thawhpuite an tel a. Mr. Ram Niranjan Parsad, Resident Engineer, NIHDCL leh Mr. Jiten Raut, Field Engineer NHIDCL te bakah NHIDCL hnuaia kawng siam hna thawktu (Contractor) KRAM Infaracon Pvt. Ltd. te pawh endiknaah hian an awm ve bawk a ni.