No.3510/2021-2022
Aizawl,the 24th December, 2021: Serchhip District chhung khaw hrang hrangah dan ang ni lova kuhva phur lirthei an kal thin tih hriat a ni a. Serchhip District chhunga dan phal loha kuhva phurh a lo rêm theih nan Pu Kumar Abhishek, District Magistrate chuan Section 144 of Cr.PC 1973-in thuneihna a pek angin khapna thupek hetiang hian a chhuah.
'Serchhip District chhung khawi hmunah mah dan ang ni lova kuhva lak luh leh phurh phal a ni lo.' He thupek hian thu leh awm hma chu Order chhuah a nih (23rd December, 2021) atanga thla 2 (two months) chhung a huam ang.
He thupek zawm lo chu Section 188 IPC dan hmangin hrem theih an ni ang.
