DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/serchhip-excise-ten-heroin-gram-6552-an-manp

Serchhip Excise ten heroin gram 65.52 an man

2223/2024-2025

Dated Serchhip, the 26^th September, 2024: Nimin khan Excise and Narcotics Department, Serchhip chuan heroin 65.52 gms, sapzu bottle 36 leh beer can 216 an man.

Excise & Narcotics Department chuan nimin khan P&E Veng, Serchhipah heroin 65.52 gms leh a neitua puh – Lalengmawia (46) s/o Roluahpuia, P&E Veng, Serchhip an man a. Heroin hi sahbawn bawm 5 a an dah man sak a ni. Nimin vek khan Royal Stag Whiskey (750 ml)um 36, Kingfisher Beer (500 ml) can 192, Simba Beer (500 ml) can 24 leh a neitua Evi Lalramhluni (33) d/o Vanlalauva, Thenzawl Venghlun te man a ni bawk.

Ruihlo avanga man hi The Narcotics Drugs and Psychotropic Substances Act, 1985 tlawhchhana thubuai siam sak a ni a. Zu vanga man hi MLP Act, 2019 hmanga thubuai siam sak a ni.