2056/2025-2026

Dated Serchhip, the 3rd November, 2025: Vawiin khan Serchhip DC Pu Paul L Khuma hoin Serchhip Kawlri-a Heritage Centre sak mek chungchang review meeting neih a ni.

Meeting-ah hian a hna viltu PWD Engineer-te report a ngaihthlak a ni a. Pu Edenthara, Site Engineer chuan hnathawh tawh chinte tarlangin Serchhip Heritage Society aiawh te pawhin an hmuh dan an sawi a. Meeting-ah hian ngaihdan thawhhona leh sawihona neih nghal a ni.

Pu Paul L Khuma chuan Serchhip Kawlri-ah khawtlang tana rotling, asset tha a ding dawn a. Thahnemngai taka an zavaia tangho a, a tha thei ang bera a hmunhma te buatsaih turin a chah a ni.

Serchhip Kawlria Heritage Centre sak mek hi Mizoram Chief Minister Pu Lalduhoma, Serchhip Bialtu MLA ni bawk bul tuma hmalak a ni a. Serchhip hmun hlui leh hmun pawimawh humhalhtu pawl, Serchhip Heritage Society-te nen hma lain, chak taka hnathawh mek a ni.