Nimin khan Serchhip MJA chuan Serchhip Press Club-ah Annual Conference an hmang a, I&PR Director Pu L.R.Sailo chu Khuallian niin Conference a hmanpui. MJA President Pu K. Sapdanga chu Khual Zahawm a ni bawk.

 

Khuallian Pu L.R.Sailo chuan thu sawiin I&PR chu sorkar leh mipui inzawmna pawimawh tak a nihnaah MJA chuan theihtawpa an lo thlawp leh puih thinna zawng zawngah lawmthu a sawi a. Media te chu an thu puanchhuah leh thehdarh chuan mimal, khawtlang leh pawl tinreng a nghawng nasa hle thu sawilangin I&PR Director chuan a tha zawnga mite kaihruai zel tura fimkhur taka hmalak chhunzawm zel turin he Conference hmanga kalkhawm chanchinbumite a chah a ni.

Annual Conference-ah hian MJA Gen. Secretary Pu Zonunsanga Khiangte chuan Paper a present a, media te tan thil hriat tur pawimawh tak tak te a tarlang a ni. He Conference rorel pawimawh zingah Serchhip-a Information Centre tuaithar leh tura nasa leh zuala sorkar nawr nise an ti.
 

Attachment

  • Loading attachment...