No.2118/2020-2020

Dated Serchhip, the 17th June, 2020: Jessica Lalremruati, B.Sc MLT, Pu R. Lalchhuanawma leh Pi C. Lalmuanthangi, P&E Veng Serchhip fate pali zinga a naupang ber dawttu chuan, Serchhip District a Covid-19 dona beihpui thlak mekah a tul apiang thawk turin vawiin hian Chief Medical Officer Dr. Laldawngliana Sailo hnenah a inpe (volunteer).

Jessica Lalremruati hi Dr. Laldawngliana Sailo, CMO, Dr. ZD Lalmuanawma, DMS, Dr. Lalhlunpuii, SMO leh Health Department thawktu dangten an lo dawngsawng a. Khunghran mekte Swab Sample lakna neih chhoh mekah a tul ang zela Sample Collection Team te zinga thawk ve turin ruahmanna siam a ni ang.

Dr. Laldawngliana Sailo chuan, nula fel leh thiamna sang tak neiin hripui laka ram mipuite kan him tlan theih nana phutlet nei hauh lova a rawn inpe hi a ropui hle a, district tan malsawmna hlu tak a tling a ni, tiin Jessica Lalremruati hi a lo lawm a ni.

Jessica Lalremruati hi Southern Polyclinic & Lab. Centre a hun engemaw chen lo thawk tawh, experience tha tak nei a ni.