2024/2025-2026

Dated Serchhip, the 8^th September, 2025: Serchhip SP Pu Gavit Gogna chuan lirthei ke hnih nei khaltuten an him nan helmet him leh rintlak an khum a tul thu hriattirna a chhuah.

Serchhip Town chhungah two wheelers Helmet khum loa khalh leh dan phal loh Helmet khum an tam hle tih hriat a ni a. Hemi chungchangah hian Ministry of Road Transport & Highways, Govt. of India lehkha No F.No.RT-11012/07/2012-MVL Dt 26.05.2016, Supreme Court Committee on Road Safety lehkha No:37/2014/Co RS Dt.11.11.2016, The Helmet for riders of Two Wheeler Motor Vehicles (Quality Control) Order, 2020, Govt. of Mizoram, Transport Department lehkha No.D.26022/1/10-TRP Dt.04.07.2016 leh Section 129 of the Motor Vehicles Act, 1988-in a sawi angin, two wheeler khalhtu te’n Helmet (Protective Headgear) him leh rintlak, ISI mark chuang emaw, Bureau of Indian Standards(BSI)-in a pawm chin leh a tlukpui Helmet tha leh him chin chauh khum tur a ni a, Satel Helmet kan tih mai te pawh hi Bureau of Indian Standards phal loh a nih avangin khum loh tur a ni.

He notification hi kan hma hun reilote ah Serchhip Town chhungah hman tan hun tur tihchhuah a ni ang a, chumi hun thlen hma chuan Two wheeler khalhtu te lo inbuatsaih vek tura hriattir an ni. A chunga ziah lan angin dan bawhchhia a, dan zawmlo leh tilui an awm chuan Motor Vehicles Act, 1989, section 194D angin cheng sangkhat (1,000/-) chawitir leh Driving License pawh thla thum hren sak a hrem theih an ni ang a, dan an bawhchhe nawn a nih chuan a aia sang zawka hrem an ni ang.