2043/2022-2023
Dated Serchhip, the 23rd September, 2022: Kan ramah Ruihhlo a hluar hle a, hemi hi do turin Sawrkar pawhin kawng hrang hrangin hma a la a, chu a hmalakna chikhatah chuan Ruihhlo ti lo tura mahni intiamna (Pledge) siam a ni. India ram pumpui huapa buatsaih anih avangin intiamna (Pledge) nei tawh pawh an tam hle a, chutih laiin Mizoram atanga intiam (Pledge) erawh kan la tam lo tih hriat a ni.

Hei vang hian Pu Stephen Lalrinawma, SP Serchhip chuan ngenna siamin, mi zawng zawngin Ruihhlo kan duh lohzia lantir nan he intiamna (Pledge) ah hian hming ziak ve theuh turin a sawm a. A bik takin Serchhip District Police zawng zawngte chu intiam (Pledge) ngei ngei tur a ni a. Serchhip District mi zawng zawngte pawh intiam(Pledge) turin a ngen a ni.

Hetiang hi a portal a luh dan tur a ni. Google ah i lut ang a, "pledge.mygov.in" tih i hmet/type/search ang a, chutah chuan Pledge tam tak a lo lang ang a, chumi zingah chuan rawng sen in 'Say Yes to Life, No to Drugs' Pledge tih a lo lang ang. Mahni hming, Phone number bakah tul dangte ziahluh hnuah PLEDGE (Intiamna) chu hmeh mai tur a ni.