1704/2026-2027

Dated Serchhip, 8^th August, 2026: Nimin khan Serchhip Deputy Commissioner Pu Paul L. Khuma hovin Serchhip khawpui chhunga leivung paihna (spoil bank) chungchanga harsatna awm mekte sut kian dan tur ngaihtuah ho a ni.

Meeting-ah hian tun dinhmuna Serchhip Town Area-a leivung paihna awm chhun, Truck Owners Association te enkawl, Bypass road Lei (bridge) bula mi chuan daltu awm lova Darnam lui a pawh thu leh, DC Office -a thawkte leh YMA hruaituten endikna an lo neih tawhna atangin hman reng chi nia an hriat loh thu tarlan a ni a. 

Hetiang a nih avang hian uluk leh mumal zawka Spoil Bank awm theihna tur tha zawkte zirchianga hma la zui turin   'Survey Team' din nghal a ni a. Project Director Dr. Malsawmtluanga Fanchun chu Team leader atan ruat a ni.

Survey Team-te hian August 14, 2026 chhungin leivung paihna tur hmun thar tha zawkte thlithlaiin, lo neitute leh kan chhehvel (environment) tana nghawng tha lo nei lo tur hmunte an zawng dawn a ni. Meeting-ah hian Sailiam leh Keitum inkarah chuan, nghawng tha lo (environmental impact) thlen theihna a san avangin spoil bank hi siam loh ni se tiin rel a ni bawk.  

Chhiahtlang-a spoil bank vanga leilet chhiate chu Contractor 'KRAM Infracon Pvt. Ltd. (Package 2)' ten a tihfai hna an thawk ang a. Zawlpui FMC leh Lumtui FMC-a spoil bank-in chhiatna a thlente pawh,   Contractor ten siam that/then fai hna fur zawh velehah an tan ang tia rel a ni bawk.

Meeting-ah hian DC Office, Revenue Department, PWD, Mizoram Pollution Control Board (MPCB), NHIDCL, Authority Engineer leh KRAM Infracon Pvt. Ltd. aiawhte bakah, tualchhung hruaitu hrang hrang Sub-Headquarters YMA, FMC (Zawlpui & Lumtui) hruaitute leh Serchhip, Chhiahtlang, Keitum, Dinthar leh Village Council (VC) hrang hrang aiawhte an tel a ni.