Dr. Lalzirmawia Chhangte, IAS, Deputy Commissioner chuan Serchhipa dawr hawn dan tur chung changah hetiang hian hriattirna a ti chhuak.

COVID-19 hrileng avanga lockdown chu 18.05.2020 atang 31.05.2020 chhung atan pawhsei leh a ni a. Inkaihhruaina dan (guidelines) leh thupek pawh Mizoram Sawrkar chuan Order No. 13021/101/2020-DMR/Pt-III Dt. 17.05.2020 hmangin a ti chhuak a. He inkaihhruaina Point No.D(2) in a sawi angin Serchhip Town chhunga VC-IV leh VC-VII area-a dawrte chu ni khat danah an inhawn chhawk ang. Dawrte hi Group A leh Group B ah then an ni a, a hnuaia tarlan ang hian an dawr hawn ni tur ruat a ni. Dawr tinah Group A leh B chhinchhiahna tar a ni bawk. Dawr leh sumdawnna hmuna zawm tur sawrkar thuchhuah pawh thil tel nghal a ni e. 

Tin, Serchhip khawpui chhunga sa leh chawhmeh zawrh chungchanga inkaihhruaina a hnuaia mi ang hian siam a ni a, mitin te zawm theuh tura ngen an ni.

He Office atanga Order No. C. 11011/1/2020-DC (SRCP) dated 25^th March,2020 tih chhuah tawh angin Sa leh Chawhmeh zawrh leh lei reng reng mahni chenna veng chhungah chauh kalpui tur a ni.

Chawhmeh leh sa zuar tur emaw, a lei tur emaw tumahin veng dang pan phal a ni lo.

VLTF tin ten an huam chhunga mipuiten an veng chhung ngeia chawhmeh leh sa an lei theih nan ruahmanna an siam tur a ni.

Chawhmeh leh thildang mamawh leia pawn chhuak reng rengin Social Distancing ngaihpawimawh tur a ni a ni a, hmai tuamna (mask) vuah ngei bawk tur a ni.

Serchhip khawpui chhunga VLTF zawng zawngte’n an veng chhunga Sa/Chawhmeh zuar leh mipuite hnenah he thu hi puangzar a, khauh taka kalpui tura ngen leh hriattir an ni.

            DAWR LEH SUMDAWNNA HMUNA ZAWM TUR

1. Dawr, sumdawnna hmun leh eizawnna kawnga hmalakna te chu annexe-a ‘Standard Operating Procedure (SOP) for Social Distancing’ zawm chungin kalpui tur a ni.

2. Khawpui chhung bikah, hmun lunlai/dawrkawna dawr inthenawm te chu nikhat kar danah an  inhawn chhawk ang. A ni zawnin dawr pakhat inhawn phal a ni lo. Dawr inthenawm te nikhatah a rualin inhawn phal a ni lo. Hei hian mihring leh ran dawmdawi dawr leh Clinic-te a huam lovang. Hemi atan hian Deputy Commissioner-in kaihhruaina siam chu zawm tur a ni.

3. Mipui mimir-in awlsam taka thlai leh chawhmeh an hmuh theih nan veng hrang hrangah LLTF/VLTF ten chawhmeh zawrhna tur an ruahman ang.

4. Chawhmeh, thlai leh theite, in lama pek (home delivery) phal a ni. 

5. Public Park, Picnic spot, Movie Theatre, Gym, Beauty Parlour, Community Hall, Bazarpui, Shopping Complex, Mall leh intawllenna hmun zawng zawng chu khar chhunzawm tur a ni.

6. Tuallai leh kawtthlera thil zawrh (Street Vending) khap tlat a ni.

7. Dawr zawng zawng (damdawi dawr tiam lovin) chu tlai dar 5:00-ah khar vek tur a ni.

8. Hotel-ah Mizoram-a khualzin cham mek te thlen phal a ni a. Mikhualte tana ei leh in buatsaih pawh phal a ni. Amaherawh chu, pawn lam mi (hotel-a thleng mikhual ni lo) te an dawngsawng tur a ni lo. 

9.  Restaurant hawn phal a ni lova, home delivery erawh phal a ni ang.

Standard Operating Procedure For Social Distancing

BAZAR DAWR LEH SUMDAWNNA HMUN TE:

1. Bazar, dawr leh hmundanga kal tur reng reng chuan (Face mask emaw hmanraw dang hmangin) hmai an tuam ngei ngei tur a ni.

2. Mi 3 aia tamin dawr pakhat an nghak tur a ni lo.

3. Dawr nghaktu ten face mask an hmang reng tur a ni. Faina, a bik takin kut sil fai tur, an uar tur a ni.

4. Dawr neitute’n (dawrtu te inhlat taka an awm theih nan) dawrtu turte dinna tur feet ruk kar danah an rin lawk tur a ni. Dawr chhungah pawh feet ruka inhlatin an awm tur a ni.

5. Thlai leh chawhmeh dang zuar ten an thil zawrh te fai takin an enkawl tur a ni a, thil zuar reng rengin hmai an tuam ngei tur a ni.

6. Thlai, thei leh sa zawhna VLTF/LLTF te’n an ruahmanna-ah mipui an inhnaihchilh loh nan mipui dinna tur feet ruk danah an rin tur a ni. A tul angin bazar hmun bik kher ni lo school kawt zawl, inkhelhna field tual leh hmun remchang dang te pawh atul ang a ruahmanna siam a ni ang.