1909/2026-2027

Dated Serchhip, the 22^nd August 2026: Nimin khan Serchhip Zawlpui Serchhip Agro Farmers Producer Society Ltd. member te chuan an Leilet bialah a ruala buh leh Sangha thar chhuah kawp theihna -'Paddy cum Fish Cultivation' atan, Sangha chi chhuahna hun an hmang. 

He hun hmanpuitu Serchhip District Fisheries Development Officer  Pu Lalmalsawma chuan “Sangha dil nei kher lo tan pawh Leilet a sangha khawi hi thil tha tak mai a ni a, Sangha in buh kung an han nawk chet te hi buhin a ngeih em em a, chutihrual chuan Sangha ek te kha leithaah changin, buh kungin an ngeih em em mai bawk a, buh thar pawh a ti hlawk thei hial a ni" a ti a, "leilet a sangha khawi hi an thang chakin, thla hnih thum chhung lekin ei an tling thuai zel a, intihhmuh chi tak a ni” a ti bawk. 

He hun hi Chandon Bhothakur, Managing Director, APRINS pawhin a rawn hmanpui bawk a ni.

PMMSY scheme hnuaiah leilet-a sangha khawi - Paddy Cum Fish Cultivation atan hian kum tin tanpuina dil hun hawn thin a ni a, a tui mite tan Fisheries Department-ah ngaihven theih a ni.