1721/2025-2026

Dated Serchhip, the 3rd October, 2025 : Ram puma kum tina hman thin, Wildlife Week vawi 71na chu vawiin khan Brilliant Hr. sec School, Serchhipah a hawnna hun hman a ni a. Thenzawl Forest Division Division Forest Officer Dr. R. Lalnungrengan a hmanpui a ni.

DFO Dr. R. Lalnungrenga chuan zirlaite hnenah India ram khua leh tui kan nihna anga nungchate venhim kawnga kan mawhphurhnate Constitution of India ina a tarlan te sawifiahin Wildlife week hman a nih chhan te, conservation pawimawh zia te zirtirin, Sawrkar Department te kut chauh nilo khua leh tui te mawhphurhna a nih zia a sawilang a. Khawvel hi mihringte leh nungcha te chenhona tur hmun atana Pathian min pek a ni a, inrem taka awm ho kan zir a tul a ni, a ti. Ramsa tawlhruk hmanga sumdawnna langsar zual te thlalak nen a entir a, Forest Department hmalakna te DFO chuan a sawifiah bawk a ni.

He inauguration program denchhen hian Painting Competition neih niin, lawmman dawngtute chu:

1-na J. Vanlalhlui XII C

2-na R. Lalnuntluanga XI C

3-na Lalhruaizeli XI A

Programme hi Brilliant Hr Sec School Principal Pu C. Lalchunglura’n a kaihruai a. Pu C. Lalhminghlua, Honorary Wildlife Warden, Serchhip District chuan zirlai naupangte zingah nungchate venghim leh enkawl tura intiamna (Pledge taking) a neihpui a. Pi C. Laldinpuii, Forest Ranger, Thenzawl Forest Division chuan lawmthu sawiin hun hnung a khar a ni.