2098/2025-2026

Dated Serchhip, the 6th November, 2025: Vawiin khan Serchhip Sub Hqrs YMA Conference Hall ah Directorate of School Education leh Sub Hqrs YMA Serchhip tangkawp buatsaih Serchhip MODEL CENTRE a ‘CRITICAL LIFE SKILLS AND OCCUPATIONAL SKILL DEVELOPMENT TRAINING PROGRAMME hawn a ni.

Khuallian Pi R. Laltanpuii, Deputy Director, (Adult Education) Directorate of School Education chuan thu sawiin, School Education Department-in Vocational Training a lo kalpui tawh thin ang niloin tuna Serchhip MODEL CENTRE a ‘CRITICAL LIFE SKILLS AND OCCUPATIONAL SKILL DEVELOPMENT training hi chu mahni inchhung lum atanga sum lakluhna leh eizawn nana hman nghal theih tur a nih thu a sawi a. Tuina tak tak nen Training Class-a an thil an zirtirte chu a taka hmang thiam (Skills nei) ngei tura fuihin, sawrkar hnain min daih vek dawn loh avangin thiamthil (Skills) nei a, mahni intodelh nan mai bakah chhungkaw chawm nana hmang thei tura thiam turin training turte fuihin duhsakna a hlan a, training hi a hawng a ni.

He training programme ah hian Training tur Trade hrang hrang 5- Plumbing (2months), Beauty Culture (2 months), Baking Technology (1 month) House/Electrict Wiring(2 Months) leh Tailoring (2 months) te awmin, Trade pakhat ah hian mi 8 zel an awm dawn a, hei bakah Training zawng zawngte tan Critical Life Skills (1 months) neih pui anni dawn bawk a ni.
Serchhip District Education Officer Pu J.R. Lalhruaitluanga chuan he hun hi a kaihhruai a. Serchhip Sub Hqrs YMA Secretary Tv. Zonunsanga Kawlni chuan School Education Department leh Serchhip Sub-Hqrs. YMA ten hma an lak dan leh Local Level Committee an ruahman dan report tlangpui a pe a. Model Centre Chairman Pu Kawlthuama, Vice Chairman Pi Lianthangi, MUP President & Ex-Officio Pu T. Lalrawngbawla, leh Training & Youth Affairs Committee Chairman Pu C. Lalhminghlua ten thu tawi an sawi bawk a ni.