3455/2022-2023
Dated Serchhip, the 2nd February, 2023: Vawiin khan Mizoram hmun hrang hrangah a rualin Lirnghingin chhiatna nasa tak a thlen avanga chhanchhuahna hna thawh dan tihchhinna (Earthquake Mock Drill) buatsaih a ni a. Serchhipah pawh hei hi neih ve niin Lirnghing na takin Serchhip a sawi vanga khaw chhung hmun pangaa chhanchhuahna hna thawh dan tur tihchhin a ni.

Zing dar 10 ah Alarm tiriin bul tan a ni a, District Disaster Management Plan in hnathawh dan tur a sawi angin hmalak zui nghal a ni. Chhiatna thlen thu hi Incidence Response System hnuaia mawhphurtu officer te (Responsible Officer) leh Incident Commander ten District Emergency Operation Centre (DEOC) (DC Office) an pan khawm nghal a, DEOC hi tihnun nghal niin anni hian chhanchhuaktu pawlte, chhiatna thlenna hmun hrang hranga chhanchhuahna tur an mamawhte an lamkhawmin an buatsaih zui nghal a ni. Chhanchhuaktu Bungrua leh hmanraw lian mamawhte chu Staging Area (Leisekawt Field) ah dahkhawmin, Staging Area Manager chuan chhanchhuahna hnathawhna tur hmun pangaah chhanchhuaktute hi a tirchhuak a, a tul ang zelin hliamte chu District Hospital ah phurh thlen an ni a, mitthite chu Police ten dan angin an endik bawk.

Vawiinah Mock Drill ah hian hmun panga heng ; Government Serchhip Higher Secondary School, District Education Office, Bazar Building, Hmar Veng leh District Hospital ah te chhiatna thleng anga tihchhin a ni a, District Disaster Management Plan in a kawhhmuh angin chanvo neitu hrang hrangten an mawhphurhna te an thawk a ni.

Hemi hnu hian State Level De-briefing neihzui leh a ni.