395/2025-2026

Dated Serchhip, the 30^th April, 2025: Vawiin khan Mizoram Athletics Association buatsaih ni thum chhung awh tur Mizoram Junior Athletics Meet 2025 chu Serchhip Sports Complex ah Serchhip District Sports & Youth Officer Dr. Marilyn Lalruatkimin a hawng.

Khuallian chuan Serchhipa State Level Athletics Meet nghah a ni chu lawmawm a tih thu a sawi a. He Meet thleng tur hian Serchhip District Sports Association ten theihtawp an chhuah a, a tihlawhtling turin participant ten thuawihna nen theihtawp chhuah turin a chah. Infiammite chu hlawhtlinna chang turin taimak chhuah zel tur leh Ruihhlo laka fihlim turin a chah a ni.

Mizoram Junior Athletics Meet 2025 ah hian District pali atangin infiammi 27 an tel a. Aizawl District atangin 5, Lunglei District atangin 1, Champhai District atangin 17 leh Serchhip District atangin 4 ten intlansiak, high jump leh long jump, javelin throw leh shot put-ah te an in el dawn a ni.

Hawnna inkhawm hi MAA Sr. Vice President Pu Lalbuanga Sailo chuan a kaihruai a. MAA General Secretary Pu Lalramzauvan inhmelhriattirna neiin report a pe a ni.