4572/2025-2026

Dated Serchhip, the 23^th February, 2026: Naktuk February ni 24, 2026 (Thawhlehni) hian National Disaster Response Force (NDRF) kaihhruaiin Govt. Serchhip College ah earthquake (lirnghing) mock drill neih a ni dawn a. Hemi chungchang sawihoin vawiin chawhnu khan Serchhip DC Pu Paul L Khuma hoin DC Meeting Hall ah thuneitute an thukhawm.

DC Pu Paul L Khuma chuan Serchhipa mock drill an lo neih tawhah department hrang hrang te, tlawmngai pawl te, mipui mimir te bakah Assam Rifles leh BSF te thawhhona a tha em em, tih a sawi a. Tun tuma district level mock drill neih turah pawh mawhphurhna neitu zawng zawngin tha taka an hlen chhuah a beisei thu leh, mipui mimir te tan pawh chhiatna a thlen thulha inzirna tangkai tak a nih a beisei thu a sawi a ni.

Mock Drill hi naktuk chawhnu dar 2 ah Govt. Serchhip College ah neih a ni dawn a. Staging Area atan Serchhip DC Pisapui hman a ni a nga. Lirnghingin a tihchhiat tur hi Govt. Serchhip College Administrative block a ni ang.

Vawiin meeting ah hian mawhphurhna hrang hrang siam fel a ni a. Meeting zawh hian a taka tel turte, lirnghinna hmuna chhanhimna hna thawk turte leh mawhphurhna dang neitu tan inhrilhhriatna hun buatsaih zui a ni.