No.4829/2020-2021

Dated Serchhip, the 7th September, 2020: Vawiin hian Serchhip DC Meeting Hall ah National Nutrition Month (Rashtrya Poshan Maah), 2020; dt 1st - 30th September chhunga hman tur hawnna inkhawm buatsaih a ni a. Pu Kumar Abhishek, IAS, DC Serchhip chu khuallian a ni.

Pu Kumar Abhishek, IAS chuan, National Nutrition Month chu Poshan Abhiyan hmalakna peng pawimawh tak, ram chhunga nu naupai leh nau pawm leh naute kum 6 hnuai lamte hriselna kawnga beihpui thlakna a ni a. Nu hriselna chuan a fa hriselna a nghawng a, fa hriselna chuan thangthar lo awm zel turte hriselna a nghawng bawk a; chuvang chuan he hmalakna hi hmalakna pawimawh, ram tana chhenfakawm, uar taka mipuite hnena inzirtir chi thil a ni, a ti a. District, Block leh Village level a Nutrition Month atana thawktu zawng zawngte chu media hmanga thahnem ngai taka hma lo la tura fuihin, Block level ah Convergence meeting a rang lama neih a tha a tih thu a tarlang bawk. Serchhip ICDS Project inbuatsaihna leh hmalak tawhna chinah lawmthu sawiin, an hlawhtlin tawhnaah te a lawmpui bawk a ni.

Inkhawm kaihruaitu Pu Lalbiakliana, CDPO, Serchhip chuan Poshan Maah hman dan tura state thuneitu sang zawkte ruahmanna siamte a sawifiaha, he thla (1-30 September) chhung hian theme chi hrang 6- Anaemia, Complementary feeding, exclusive breast feeding, 1000 days window of opportunity, care of new weak born (KMC) leh Underweight & wasting te kalpui a nih tur thu a sawi a. Covid19 hripui laka himna dante zawm chunga chung hmalakna te chu neih tur a nih thu a tarlang a ni. Media Campaign uar taka neih a nih tur thu sawiin, District Level leh Block Levelah chutianga hmalakna chi hrang hrang chu kalpui a nih tur thu a sawi a ni.

Pu James Lalremliana, DPC chuan lawmthusawina hun a hmanga, Poshan Maah hmalak dan tur tlangpui tarlanna video thlirho a ni bawk.

He hunah hian Pu Lalmuansanga Ralte, Addl. DC, Pu Kulo Thungan, IAS, SDO (C) Thenzawl, Pu Vishal Sah, IAS, Pi C. Lalduhzuali, SDO, Sadaar leh Serchhip ICDS Project thawktute, leh Media mite an tel a ni.