1812/2025-2026

Dated Serchhip, the 9th October, 2025: Vawiin khan Serchhip DC Pisapui Hall-ah, Serchhip DC Pu Paul L Khuma hovin Right to Information Week 2025 hawnna inkhawm neih a ni.

Pu Paul L Khuma chuan Right to Information Act chungchang, a bulthum atanga sawiin British hunlaia Official Secret Act, 1923 an siam chu India-in zalenna a sual chhuah hnu ah pawh kum tam tak an chhawm chhoh dan te; sawrkar dik leh tha a awm theihna tura khua leh tuite hnena information pekchhuah a tulzia hriaa he dan RTI Act pianchhuahna tura kum tam tak a inthial dan te a sawi a. Mipui sawrkar tha nei turin langtlang leh mawhphurhna la ngam sawrkar leh sawrkar hnathawk nih a tul a; heng zawng zawng pawtkhawmtu hi RTI Act a ni lo thei lo a ni, a ti. RTI Week kan hmanna chhan chu a hmangtu mipuite leh sawrkar hnathawkte hriatzauna atan a nih thu a sawi a; mipuiin a hlutna leh a tangkaina an hriat a, an dikna chanvo hi a hun takah an hman thiam theihna tura inzirtirna a ni, khuallian chuan a ti.

RTI Act hi June 15, 2005 khan India Parliament chuan a pass a. Hemi kum vek October 12 ah Jammu & Kashmir tiam lohin India rampumah hman tan nghal a ni.

RTI Week 2022 hawnna hunah hian Master Trainer pahnih - Dr C Vanlalchhanhimi leh Dr Marilyn Lalruatkimi te chu Resource Person an ni a. RTI nihphung te, mipui mimirin zawhna kan zawh theih dan kalphung te, SPIO leh SAPIO te mawhphurhna leh hremna dan awm thei te an sawi a. Sawrkar hnathawk, RTI zawhna dawngte chuan hunbi tiam chhunga chhanna pek ngai pawimawh turin leh a zawttute pawhin zawhna pawimawh leh awmze nei zawh nachang hriat a pawimawh thute an sawi a ni.

RTI chungchang zirhona neih hnu hian zawhna leh chhanna hun hman a ni a. Pi Lalnunmawii, DIPRO chuan lawmthu sawina neiin hun hnung a khar a ni.