Vawiin hian National Tobacco Control Programme (NTCP) Serchhip leh Serchhip District Legal Services Authority te tangkawp in an buatsaihin Sechhipah World No Tobbacco Day 2019 chu “Vaihhlo leh Chuap Hriselna(Tobbacco & Lungs Health) tih thupui a neiin hman ni. Zing dar 10:15 ah Mini Park P&E Veng, Serchhip atanga P&E Veng YMA Hall thleng, Little Flower Convent School Class -V atanga Cl-VIII zirlai leh zirtirtute, NTCP Serchhip SDLSA thawktuten Vaihlo leh a kaihhnawih that lohzia inzirtirna  kawngzawh an nei a, vaihlo thatlohna thuziak chi hrang hrang an ken bakah, zirlai naupang ten vaihhlo leh a kaihhnawih laka filhlim tura thutiam rualna an nei bawk.

No Tobbacco Rally neih zawh hian P&E YMA Hall Serchhip ah WORLD NO TOBBACCO DAY 2019 programme hman chhunzawm  niin,  he hun hi Dr. Laldawngliana Sailo, Chief Medical Officer, Serchhip chuan a kaihhruai a. Pu H. Lalhruaitluanga, DLAO Serchhip chuan khuallian   niin he hun hi a hmanpui. Khuallian chuan hriatrengna tha kan neih theihna tur chuan vaihlo leh a kaihnawih thil thalo chi hrang hrang lakah kan fihlim a tul a ni, a ti a, a bikin zirlai naupang tan chuan an zir zelna turah  zuk leh hmuam leh thil thalo dang lak a filhlim pawimawh thu a sawi. Zuk leh hmuam tih ve loh  chu rilru leh taksa hriselna atan a that zawk  zia vawng tlatin, vaihhlo leh a kaihhnawih thil thalo chi hrang hrang lakah inthirafihlimin, midangte laka danglam ngam turin kalkhawmte chu a fuih bawk.

He hunah hian Pi K. Hmingthansangi, District Consultant, NTCP Serchhip chuan World No Tobacco Day 2019  thupui Vaihhlo leh Chuap Hriselna(Tobbacco & Lungs Health) tih hmangin vaihlo leh a kaihnawih laka inthiar filhlim pawimawh zia a lem nen entirin zirtirna a pe a, vaihlo leh a kaihhnawihin mihring taksaa harsatna alo thlen tawh dan tuartu Pi PC Lalrintluangi, Serchhip Vengchung hnen atangin fuihna thu ngaihthlak anih bakah, Pi  J.H Lalparmawii, 1st Class Judicial Magistrate hnen atangin vaihlo leh a kaihnawih chi hrang hrang, dan hnuaia khuahhirh anih dan te, zuk leh hmuam hmangtute laka dan leh hrai pawimawh hrang hrangte in ngaihthlak a ni bawk.

Vawiina WORLD NO TOBBACCO DAY hmanaah hian NTCP Serchhip leh Superintendent of Police, Serchhip te tangkawp buatsaih, vaihhlo leh a kaihhnnawih thatlohzia inzirtirna lemziak intihsiakna Class-IV atanga  Class-VIII zirlai naupangte tana buatsaiha a ti thate hnenah lawmman sem a ni bawk. He hunah hian  hian  National Tobacco Control Programme (NTCP) Serchhip leh Serchhip District Legal Services Authority  thawktute , Little Flower Convent School, Serchhip zirlai naupangte leh zirtirtute an tel a ni.