No.5524/2020-2021

Dated Serchhip, the 28th September, 2020: Vawin hian District Veterinary Hospital, Serchhip ah World Rabies Day leh World Rabies Week hawnna (Inaugural Function) neih a ni a. AH & Vety Department thawktute leh Ui vulhtuten he hun hi an hmang a ni.

He hun hawnna ah Dr. C Zarzokima, DVO Serchhip chuan thusawiin, Ui a hri, Rabies hi natna hlauhawm tak Schedule- I awm a ni a, ran leh mihringte tan pawh thihpui theih natna hlauhawm a nih avangin he natna laka mitinte kan hima, kan inven thiam theih nan kum tinin khawvel pumah Ni 28th September hian World Rabies Day hi hman thin a nih thu a sawi a. Kumin bikah ah phei chuan World Rabies Hapta hman a nih tur thu leh he hapta chhung zawng hian ui vulhtu a duh apiang ten a thlawnin Ui a hri danna lak theih a nih tur thute sawiin Ui vulhtuten he hun tha hi hmang tangkai theuh turin a sawm a ni.

Inaugural zawhah hian Dr. H Vanlalrawna, Veterinary Officer leh Dr. Lalruatfela, Animal Husbandry Manager (FOCUS) te kaihhruaina hnuaiah Ui a hri danna in Ui chiu chhunzawm nghal a ni a. Vawiin hian Ui 79 zet chiu an ni.

District Vety Hospital, Serchhipah hian tunkar chhung zawngin Ui a hri venna hi a thlawnin a chiu tir theih dawn a ni.