Rashtriya Madhyamik Shiksha Abhiyan (RMSA) hnuaia cheng nuai 52.12 senna tur Sesawng High School Building lungphum chu Nilaini 3 March, 2010 khan Parliamentary Secretary Pu Chawngtinthanga’n a phum.

Parliamentary Secretary chuan lungphum paha thu sawiin ramin hma a sawn dawnin Education in hma a hruai a, ram a tlukchhiat dawn pawhin Education bawk chu a hmahruaitu a ni fo thin tiin Mizorama zirna tichangtlung tura sorkarin theihtawp a chhuah mek thu a sawi. Mizoram chu state pachhia a nih avangin a sum mamawh zaa 80-90% lai sorkar laipui tum sak a nih thin laiin Secondary Education tihchangtlunna tura RMSA duanchhuah a nih chu thil lawmawm tak a tling a, hemi hnuaia Sesawng khuain High School sak thatna tur an dawng ve pha chu a lawmpui thu a sawi.

Building thar sakna tur lungphum inkhawm hi RMSA Project Director Pu B.Lalchhuanliana’n kaihruaiin a sak dan tur kimchang Er.A.Laltinkima’n a sawi a. SSA leh School Education Department officer pawimawh te an tel a ni.