No.2623/2021-2022

Aizawl, October 16, 2021: Bharat Broadband Network Limited (BBNL), Department of Telecommunications (DoT), Government of India chuan Azadi ka Amrit Mahotsav (AKAM) kal zelah October 16 hian Sesawng khuaah Broadband Connectivity hawnna programme an hmang. 

Sesawng khaw tana broadband connectivity hi Bharat Net phase-II project, Department of Telecommunications, Government of India, atanga pek a ni a. He project kaltlang hian Mizorama Village Council 762 hnenah broadband pek tum niin khaw 241 ah chuan hmanraw engkim dah fel tawh, hman mai theih tura commission hmabak an ni.  Bhrat Net Phase-II hnuaiah hian Sesawng I village council office chu broadband hmanga thlunzawm niin wifi hmangin a khaw mipui ten an chhawr tangkai thei dawn a. Ticket book nan te, e-commerce, online class, online ration, e-Governance services hrang hrang atan an hmang tangkai thei dawn a ni.

Pu Ajay Kumar Sahu, Sr.DDG, North East LSA; Pu K.Srikrishna, DDG, DOT, Mizoram; Pu C.Lalhmachuana, Director, DoT, Mizoram leh Pu Rameshwara Prasad, Consultant, BBNL te chuan hawnna inkhawm hi an hmanpui a ni. 

Video call kaltlangin Pu Ajay Kumar Sahu, Sr.DDG, North East LSA chuan broadband connection thar an neih avangin Sesawng khaw mipuite a lawmpui thu a sawi a. Zirlai ten online hmanga class an kal thin avangin an khaw mipui tan a tangkai dawn hle tih Sesawng VC I President chuan a sawi bawk.

Pu K.Srikrishna, DDG, DOT chuan broadband thar chu tangkai taka an chhawr atan Sesawng mipuite a duhsak thu a sawi a.. Pu C. Lalhmachhuana, Director, DoT, Mizoram chuan Bharat net project Mizorama kalpui a nih dan a sawifiah a. Comprehensive Telecom Development Project (CTDP) hnuaiah BSNL broadband luh lohna khuaah mobile tower 214 dah tum a nih thu a sawi bawk.