3724/2024-2025

Dated: Mamit the 8th January, 2025 : Vawiin khan Shri Durgadas Uikey, Hon'ble Union Minister of State for Tribal Affairs-in Mamit tlawhin, Tourist Lodge, Mamit-ah Pi Carolyn L.B. Khiangte, Addl DC chuan lo dawngsawngin, Pu K.Laltlawmlova, District Bawrhsap kaihruaina-in DC Conference Hall, Mamit-ah Department hrang hrang officials-te nen meeting neih zui a ni.

Shri Durgadas Uikey, Hon'ble Union Minister of State for Tribal Affairs chuan Mamit District tlawh theia a awm chu lawmawm a tihthu sawiin, Aspirational District, Mamit District chhunga hmalakna hrang hrangte a taka hnathawh a nih leh nih loh enfiaha tlawh a nih thu a sawi a, Prime Minister-in tlangrama chengte hmasawnna chu a ngaihpawimawh a nih angin hmasawnna tura schemes hrang hrang duante chu a hlawhtlinna turin a kaltlangna Department Officials-te chuan ngaihtuahna tak tak kan sen a tul a, schemes hlawhtlinna chu kan kuta inngat a ni tih hre thar turin a chah, a bikin Education leh Health Sector hnuaia hmalaknate chu hmasawnna hna kala pawimawh tak a nih avangin a chhawrtu mipuite chawikang ngei tura theihtawpchhuah a tul takzet thu a sawi bawk. Aspirational hnuaia line Department hrang hrangte hmalakna, hmachhawp leh harsatna awmte a ngaihthlak sak bawk a ni.

Pu K. Laltlawmlova, District Bawrhsap chuan Mamit District dinhmun hrang hrang a lem nen tarlangin Mamit District chhungah mihring 101290 an awm a, a zauzawng hi 3025 sq.m a ni. In households 20902 awmin literacy rate hi 84.93% a ni bawk. Aspirational District hnuaia hmalakna-ah tehfung hrang hranga tehna-ah Mamit District-in dinhmun tha tak tak a lo hauh tawh a, hemi avang hian NITI Aayog atangin 19 crore lai dawn a ni, ranking hnuhnung berah hian overall performance 5th position kan hauh mek thu a tarlang bawk.

Vawiin vek hian Tribal Affairs Minister hian DC Conference Hall-ah Mamit District chhunga hnam hrang hrang aiawhte kawmin biang biakna a nei a, an mamawh leh harsatna an thlente a ngaihthlak sak bawk a ni.

Shri Durgadas Uikey, Honble Union Minister of State for Tribal Affairs hian Common Service Centre, Mamit Charkawn, Anganwadi Centre - I, Mamit Bazar veng leh Mamit College-te an dinhmun zirchiangin a hmunah a tlawh a ni.