1168/2022-2023
Mamit 7th July, 2022 : Shri. V. Muraleedharan, Hon'ble Minister of State for External Affairs and Parliamentary Affairs, Govt. of India chuan vawiin khan Mamit khawpui chhunga CSS hnuaia Beneficiaries, Anganwadi Centre, Higher Secondary School, Mamit College leh District Hospital-te a tlawh.

Minister hian Pradhan Mantri Ujjwala Yojana (PMUY) hnuaia Gas Connection a thlawna dawngte a hmunah kalchilhin a tlawh a. Pradhan Mantri Awas Yojana PMAY (Urban) hnuaia insak tanpuina dawngtute insak mek pawh a hmunah kalchilhin a tlawh bawk. Hei bakah hian Mamit khawpui chhunga Anganwadi Centre, Higher Secondary School, Mamit College leh District Hospital-te a tlawh a, thawktute'n an lo dawngsawng a ni.

PMUY leh PMAY hnuaia tanpuina dawngtute pawh hian Sawrkar atanga mipuite hamthatna tur a, tanpuina lokal-ah lawmawm an tih thu an sawi a, duhkhawp lohna lai leh harsatna an neihte Minister hnenah hian an lo thlen bawk a ni.

Minister hi Pu Lalnunhlua, District Bawrhsap, Pu K.L Vulmawia, SP bakah Officials dangte'n an tawiawm a ni.