Vawiin chawhma dar 10:00Am khan  ECM Local church, New Colony Hall-ah Adolescent Health Day (AHD) hman a ni a. Vawiin AHD programme-ah hian tleirawl kum 10-19 inkar mipa leh hmeichhia, sikul kal lai leh kal tawh lo te, nupui/pasal nei tawh te an tel a ni.

 Chief Medical Officer (CMO), Siaha District Pi. Lalparliani chuan progrsmme 'n kaihruaiin,  Resource person ten:  Tleirawl lai a chaw tha ei pawimawh zia te,tleirawl lai a nau pai that loh zia te,sexual reproductive health,ruih theih thil hmansual that loh zia te leh natna inkaichhawn theih loh natna te an sawi a ni . 

 'Tleirawl lai a nun hman that loh pawizia' tih thupui hmanga Essay competition neih nghal a ni a. Pakhatna -  H. Celine,  pahnihna - Byhnadaopaki leh Pathumna-  Rohlupuia te an ni. Programme zawhah hian Dr. S. Beirokhu chuan tleirawl te tan Free Health check-up a nei nghal bawk a ni.