No.6438/2020-2021

Siaha; the 4th November,2020: Vawiin chawhma dar 11:30am khan AH&Veterinary Department chuan New Siaha Vety kawn-ah Animal Sub- Health Centre(ASHC) an hawng.

He ASHC hawnna programme hi Dr.Shahlu Khaila,District AH& Veterinary Officer in kaihruaiin,Pu S.Laldinthara,President Model Youth Association (MYA) chuan khuallian niin a hmanpui. Khuallian Pu Dina chuan ASHC centre hawn theih a ni chu lawmawm a tih thu sawiin, veng hla zawk awm te tan AH&Vety office hi panna a hla deuh va, he ASHC hian Siahtlah leh News Siaha venga awm mipui ten kan chhawr tangkai hle dawn a ni, a ti a. Hun lo la awmzel turah Dispensary thlenga upgrade a ni thei nan Village council lam hotute pawh hma la zel turin ka ngen nghal bawk a ni, a ti bawk.

He hun denchhen hian Awareness campaign on African Swine Fever(ASF) Dr. R. Zapaw Azyu,V.O leh Dr.Lalrengpuii Sailo,V.O. ten nei nghalin; Techinical report pawh a pe nghal bawk a ni. ASF natna hrik lakah kan District a lo him thei nan NGO te, Village council leh Mipuite kan tanrual a tul zia uar takin an sawi a ni.

He Animal Sub- Health Centre hi kar khatah Ni hnih(2)(Wednesday leh Thursday) chhun dar 12:00Noon atanga tlailam dar 3:00pm (12:00noon-3:00pm) chhungin mipuite dawr thei turin hawn thin a ni ang.