1651/2022-2023
Siaha;the 18th August, 2022: Vawiin chawhma dar 11:00Am khan I&PR conference Hall, Council Vaih-ah Deputy Commissioner of State Tax office,Siaha te bultumin GST Assessment and audit for Tax payers chungchang Awareness Campaign buatsaih a ni.

He hun hi Pu H.Vabeitha,Deputy Commissioner of State Tax in kaihruaiin, Pu H.Lalramsanga, Asst Commissioner of State Tax, Pu H. Lalramsanga, Asst Commissioner of State Tax,Pu TT. Chhote, State Tax Officer leh Pu Lallianthuama Hnialum, State Tax Officer ten Resource Person niin zirtirna an pe a.Resource Person te chuan thupui hrang hrang heng:
1) Assessment & Audit,
2) Registration & Return
3) E-Waybill, Tax Invoices & Penalty hmang te hian zirtirna an pe theuh a ni.

Awareness campaign inkhawm kaihruaitu Pu H. Vabeitha, Deputy Commissioner of State Tax chuan Tax payer kalkhawmte chawnglawmna thu a sawi zawhah, GST kalphung leh a pawimawhna te a sawi a. Chhiah pek hi khua leh tui tha nihna a nih mai bakah, khua leh tuite mawhphurhna a nihzia uar takin a a sawi a. Tax payers kalkhawmte hnenah tun aia nasa leh zuala thahnemngai turin leh Taxation Department nen pawh thawhhona thazawk an nei ngei a beisei a, chumi atan chuan Tax Payer kalkhawmte chu a sawm bawk a ni.

Pu H. Lalramsanga, Asst Commissioner of State Tax chuan Assessment & Audit awmzia leh a pawimawhna te sawiin, tum reng vang emaw, tihpalh thilthu emaw avanga tuna an tax pek tur zat pe lo emaw, pe kim lo emaw chuan nakin lawka Assessment & Audit khawng taka kalpui a nih hnuah chuan an tax pek loh zawng zawngte chu an pek tlak a la ngai dawn tho tho a ni, a ti. Assessment leh Audit hmanga an tax ba thin an nih tawh hnu pawha tax la pe duh lo fo te chu MGST Act, 2017, Sec. 83 hmangin an thil neih bungrua man sak theihna leh account freeze theih a ni, tih Tax payer te a hrilhhriat bawk.

Pu TT. Chhote, State Tax Officer chuan Registration & return sawifiahin, MGST Act, 2017 in special States te tan 10 lakhs turnover nei chin te’n GST registration an neih ngei ngei a ngai thu sawiin, heng registration nei te ina Return hmanga Chhiah (tax) an pek dan tur leh a hrem theihna Dan te a hrilhfiah bawk a ni.

A tawp berah Pu Lallianthuama Hnialum, State Tax Officer chuan E-Waybill, Tax Invoice & Penalty chungchang sawifiahin, Bungraw phur te’n E-way bill an neih a tulna chhan te, Registered Taxpayer te’n an bungraw hralh chhuah reng reng a Tax Invoice an pek chhuah ngei ngei a ngaihna chhan te leh Hremna Dan hrang hrang awm thei te chungchangah zirtirna a pe bawk a ni.