No.6543/2020-2021

Siaha; November ni 14: Vawiin chawhma khan Beti Bachao Beti Padhao leh District Child Protection unit,Siaha te tangkawpin  NSV Studio-ah Children's Day 2020  lawmna Programme an huaihawt a. Pu N.Lalzarzova,SDC in khuallian niin vawiin programme  hi a hmanpui  a ni. Pu Zara chuan  Covid-19  inkaihhruaina  zawm chunga, tha taka  Children's Day 2020 kan hmang thei chu lawmawm a ti thu sawiin, programme buatsaihtute hnenah lawmthu a sawi bawk.

Pu Zara chuan vawiina Children's Day 2020 kan hman hian kan naupangten boruak muanawm leh hrisel tak hnuaia zirna dawn, thanlen leh hmasawn hi an dikna chanvo liau liau a ni a.Engti kawngmahin mipa leh hmeichhe naupang hi thliarhran  tur a ni lo, dan kalh a ni; a tiin,  Children's Day 2020 denchhen hian naupang ten hmalam hun hlimawm tak an hman zel theih nan duhsakna a hlan  bawk a ni.

Vawiin Programme hi Pu.Teddie T.Lalnunrema,Social worker DCPU in  kaihruaiin; Dr.R.Hmingthanzuala'n hunserh a hmang a.Dr. David Zaitinvawra'n kalkhawm te lawmna thu a sawi a. 

God Kids Group, Nula S.Kerosthene leh Nula Lalrempuii te atangin zai mawi tak ngaihthlak a ni a.

Lois Vytuchho in changvawn mawi tak a sawi bawk.

Miss Ephesi Hlychho, Child Protection Ambassador in Children's Day  pualin kalkhawm te thutiam(Pledge)  a laktir a, 2019-2020 chhunga DCPU Activities  Report  a pe bawk.

KHP, College Vaih ten Covid-19 thupui hmangin skit Show an entir bawk.

 Pi. Malsawmtluangi Pachuau, PO  in lawmthu sawina hun  hmangin vawiin programme hi a khar ta a ni.