3209/2024-2025

Siaha the 26th November 2024: Vawiin chawhnu Dar 1 khan DC Mini Conference Hall, Siaha-ah Tribal-te hamthatna tura scheme duan Dharti Aaba Janjatiya Gram Utkarsh Abhiyan (DAJGUA) IEC campaign kharna chu District Bawrhsap Pu VL Hruaizela Khiangte kaihhruaina hnuaiah neih a ni.

District Bawrhsap Pu VL Hruaizela Khiangte chuan kalkhawmte chu lawmthu hrilhin DAJGUA chu scheme pawimawh tak, Department pakhat in a khawih vek theih loh, thawhhona leh lungrualna tha nena hlen chhuah ngai a ni a ti a, Department 17 hnuaia scheme hrang hrangte indaihlohna phurhrukna (gap filling) tur a ni tiin he scheme in a huam department-te thawhhona tha tak nei zel turin a chah a, Sawrkar Laipui in a tum ang taka tribal-te tana hmasawnna thlentu a nih ngei theih nan line department-te theihtawp chhuah turin a chah a, he scheme hnuaia thlan chhuah khaw 27 te hmasawnna rah tha tak thlentu a nih ngei theih nan duhsakna a hlan nghal bawk a ni.

DAJGUA IEC campaign hi November Ni 15, 2024 khan neih tan niin campaign hun chhung hian activity hrang hrang buatsaih a ni a, Siaha khaw chhunga Hmun laili ah banner leh hoarding-te tar niin school hrang hrangah drawing competition-te hmanga he campaign hi neih a ni.

SDC Pu Thomas Maratha Hlychho, Nodal Officer ni bawk chuan DAJGUA IEC campaign report tlangpui a pe a. Pi LS Lalbiakzuali, DSWO Siaha leh Member Secretary, chuan lawmthu sawiin IEC campaign hi khar a ni.

Vawiin programme-ah hian District Level committee on DAJGUA member te an tel a ni.