No.2491/2021-2022
Aizawl; the 6th October 2021: Vawiin chawhma dar 11:30 khan Pu Kesavan R, IAS, Deputy Commissioner & Chairman District Anti Tobacco Squad, Siaha chuan Legal Metrology Enforcement Squad leh District Anti Tobacco Squad ten Siaha leh Lawngtlai khawpui atanga dan lova zawrh ramdang Cigarette bawm 5580 zet a tichhia. Heng Cigarette te hi Legal Metrology Act & Rules bawhchhiat vang a man te a ni a. A bawmah hian a siamtu Company hmingte, Maximum Retail Price leh thil tul dangte a in ziakloh avangin dan hmanga man a ni a, a zuartute pawh hremna lo pek tawh an ni.Heng an thil man tichhe tur hian Controller,Legal Metrology, Mizoram- ah phalna dil phawt anih hnuah Magistrate hriatpuina in tihchhiat a ni ta a ni.Vawiin a cigarette an tihchhiat te hi Far Star bawm 3590 leh Valiant ( V- Cigarette ) bawm 1990, a vaiin bawm 5580 a ni a, dawrkai 12 hnen atanga man khawm a ni. Tualchhung rate a chhutin Rs 2,79,000.00 (cheng nuai hnih sing sarih sang kua ) man vel a chhut a ni.

Vawiin a Cigarette man tihchhe tu Kesavan R, IAS Deputy Commissioner Siaha chuan hetiang a Danlo va sumdawnna kalpuitute man chhuah an ni chu lawmawm a tih thu sawiin, India siam dan ang thlap a lolut, tax pawh anih tur ang thlap a pekna bungrua te chauh zuar turin dawrkai te chu a chah hlawm a ni.Dan lova foreign bungrua lo lut te chu hlawk deuh pawh nise, zuarlo ngam turin a chah bawk. Hriselna ti chhetu, holam taka sum leh pai senralna ni bawk meizial zuk hrim hrim hi thangthar te hnenah sim tur a kan in zirtir a tul takzet a ni, a ti.DC chuan Legal metrology leh Anti Tobacco Squad hma lakna chu chhuanawm a ti a,tha thlah lova hma la zel turin a fuih hlawm.

DC hian cigarette khehsa te chu tui a a tih huh hnuah President, MTP Gen Hqrs, Addl DC, DIPRO leh official dang ten tuiin an tihuh zui veleh nghal a,bawlhhlawh paihna a paih turin phurh liam nghal a ni.