Vawiin chhun dar 12:00 Noon khan DC’s Conference Room-ah District Development Co-Ordination and Monitoring Committee (DCCMC/DISHA) neih a ni. Vawiin DISHA Meeting hi Pu C.L. Ruala Hon’ble MP (L) Chairman, DDCMC  in  a  kaihruai a, Siaha Bialtu MLA Dr.K.Beichhua pawh meeting-ah hian a tel ve a ni.

Vawiin DISHA Meeting-ah hian 3rd Quarter (October-December,2017) chhunga Centrally Sponsored Scheme (CSS) khawih leh a kaihhnuai Department hrang hrang ten 3rd Quarter chhunga an hnathawh leh hmalakna te, leh an hmachhawp te huangzau taka thlir hova sawiho a ni.

Vawiin Meeting-ah hian DRDA Department chuan he 1st-3rd Quarter chhung hian MGNREGS inhlawhna ni 38 an siam thu tarlangin, 4th Quarter-ah ni 10 inhlawhna tur Fund an dawn tawh thu an tarlang bawk.  PMAY-G hnuaiah Chenna In 188 sakna tur 1st instalment Rs.1,30,000/- pek chhuah tawh thu tarlan a ni bawk. Tipa RD Block hnuaia BADP atangin hna hrang hrang thawh nan Central atangin Fund cheng nuai Rs.243/-hmuh niin, cheng nuai Rs.106/- hman tawh a ni a. Mizoram State Rural Livelihood Mission atangin Tipa RD Block hnuaia Self Help Group 6 te hnenah Pik-Up 4 leh SUMO 2 pek an nih thu tarlan a ni.

DPC, SSA atangin Mid-Day Meal Fund atangin 3rd Quarter chhungin Primary School 118 leh Upper Primary School 76 te tan Foodgrains an la dawn loh thu leh Chawchhumtu (Cook) Honorarium erawh October leh November thla atan an dawn tawh thu report a ni.

EE,P&E pawhin Report pein, DEENDAYAL UPADHYAYA GRAM JOYTI YOJANA hnuaiah Rural Electricity Distribution Backbone (REDB) atan Cheng nuai Rs.1751.46 hmanga chak taka hna thawh mek a nih thu atarlang in. 3rd Quarter chhung hian hna thawh tur 10% an thawh hman thu tarlan a ni bawk.

DAO atangin Pradhan Mantra Krishi Sinchayee Yojana (PMKSY) hi Mizoramah kum 2016, August ni 18 atanga hman tan a ni a, tunah hian Siaha District ah chuan heng project hrang hrang:- Restoration/Renovation of Small Tank leh Construction of Secondary Storage Structure, Construction of Water Harvesting Structure te hi zawh vek tawh a nih thu report ngaihthlak a ni.

PWD  atangin PMGSY hnuaia hnathawh zingah Siachangkawn-Vawmbuk Road Pavement Works leh  Kaochao-Saikao Road Pavement Works te chu zawhfel tawh a nih thu report dawn a ni a. A bak hnakal lai pawh 2017-2018 chhung hian zawhfel hman beisei a nih thu tarlan a ni.  PWD Division dang te nena khaihkhin chuan PWD Siaha Division in NEDP atanga sum chu a tlem bik hle a nih tih report a ni bawk.

DSWO chuan  Tarhlawh la (NSAP)  Beneficiaries te chuan DBT ai chuan tihdan hlui anga, a tangka faia an tar hlawhte chu pe zawk thin mai tura an duhzawk zia Department hnena an thlen thu a tarlang. ICDS chuan he 3rd Quarter chhung hian Nu naupai tana Scheme thar PMVVY (Pradhan mantra vandhana Yojana) hman tan a ni thu an report bawk.

CMO Office chuan report peiin,  3rd Quarter chhunga Malaria avanga thi an awm loh thu te, TB vei 10 an hmuhchhuah thu te, Mobile Unit in damlo 282 an en te, Hospital-a naute 5 thi thu te, Maternal death 1 a awm thu te, Hospital a nau piang 247 leh In a piang (Home Delivery) 84 an awm thu te, Sub-Centre in Health Worker an neih vek tawh thu te an report a. An harsatna thu: Morque Van siamthat tlak a ni tawh lo te, Civil Hospitala  Ambulance Condition tha tawh lo te, RKS Fund 2017-2018 chhunga  an dawn loh te, Civil Hospital sak lai mek hna kal muang lutuk te pawh an tarlang bawk.

EE, PHED chuan  report pe in, Renewal & Augmentation of Greater Saiha WSS a hman tur 1600KVA Transformer tha lo pawh siam that tawh a ni a, Commission mai theih tawh a nih thu a tarlang. Siaha to Tisopi kawng sial mek erawh chuan Siaha chawmtu tuihnar 6 te a khawih pawi theih dawn avangin Concern Department te nena ruahmanna felfai tak siam a tul thu report a ni bawk.