Vawiin chawhma dar 10:00AM khan DC’S Conference Room-ah Disaster Risk Reduction Week (30th Jan- 2nd Feb,2018) hawnna neih a ni. He hun hi Pu. VL. Hruaizela Khiangte, Addl. DC, Siaha chuan  kaihruaiin, Pu. N. Chakhai, Director, DM&R chuan a hmanpui bawk.

Pu. N. Chakhai chuan thusawiin, Geo Hazards ho zirchianna atanga a lan dan chuan Siaha khawpui hi lirnghing thlen nat theihna hmun a ni a. Hetiang lam inzirtirna kan neih thin a pawimawh thu leh kan In sak danah te mithiam rawnna chang hre lova mahni duhthu a In kan sa mai thin hi a pawi hle a ni tiin, midang tan harsatna kan siam bakah keimahni tan pawh a him loh hle a ni a ti. In kan sak dawn in mithiam te rawn na chang hre reng turin a duhthu  a sawi a, kan bawlhhlawh te paih mai mai lo in a paihna tur dik taka paih a halral theih chu halral hram hram a that thu te a sawi bawk a ni. DM&R Calendar, 2018  tlangzarhna hun hmang nghalin ;First Copy hi DC’s Office, Siaha a pek bakah kalkhawmte hnenah Copy Pakhat (1) theuh in a sem nghal bawk a ni.

He week hawnna-ah hian Resource Person atan Dr. Lalrokima Chenkual, Asst. Director (Trg) chu hman niin, heng Topic: 1). Introduction to Disaster Risk Reduction, 2) Vulnerability of Mizoram to various hazards tih thupui hmangin kal khawmte hnenah zirtir na leh hrilhfiahna hun a hmang  a. He week chhung hian  thupui hrang hrang hmangin mithiam ten zirtirna an la pe dawn bawk a ni.

Vawiin Week hawnna-ah hian Head of Office te, Siaha khawpui chhunga Zirtirtu te leh V.C te bakah Tlawmngaipawl hrang hrang aiawh te an telkim hle a ni.

He week hawnna inkhawm hi Pu. VL. Zuithanga, District Organiser, Siaha District chuan lawmthu sawina hun hmangin a titawp a ni.