3253/2022-2023

Siaha; the 13th January,2023: Vawiin chawhnu dar 1:00Pm khan District bawrhsap office chamber-ah District Sports Committee, Siaha hruaitu hlui leh thar ten charge inhlanna hun an hmang.

Siaha District Sports Committee hian

1)Chairman

2)Vice Chairman, 

3)Secretary

4)Asst.Secretary 

5)Finance Secretary

6) Treasurer


Post te a awm a. Tichuan hruaitu te hi Sports discipline hrang hrang aiawh kalkhawm ten kum 2 danah an thlang thin a ni.

Mizoram sawrkar chuan Sports discipline hrang hrang dawm kana, tih hmasawn nan sawrkar department hrang hrang te an tel ve leh an inhnamhnawih hi tula hriain, The Mizoram Sports Council(Formation and Functioning of District Sports Committee) Regulation -2022 hi a lo duang chhuak ta a. He dan hnuaiah chuan DSC chairman hi DC niin, Secretary hi District Sports &Youths Officer a ni a, Finance Secretary hi ruat chawp tur niin, concern dept hrang hrang 8 te aiawh chu ex-officio Committee member an nih bakah, recognised Sports discipline president theuh te chu committee member an ni bawk a ni.

Tichuan a thlan a thlan tur post te chu :- 

1)Senior Vice Chairman
2) Vice Chairman
3) Asst.Secretary a lo ni ta a ni.

A tirah chuan district dang te angin, Siaha District Sports Committee chuan he Sawrkar dan thar duan hi an hel hle a, inthlan pawh an lo Boycott hial tawh a ni.

Mahse district bawrhsap ngenna angin, ngaihtuahna fim zawk hmanga vawi tam an meeting hnuah, Sawrkar in Dan thar a duan hnuaia inthlan chu an rem ti ta a. Tichuan SDSC hnuaia Affiliated Sports discipline 15 aiawh kalkhawm chuan DSC,Siaha a hruaitu tur a tan an hruaitu nilai te chu an thlang nawn leh a, chung mi 3 te chuan Nomination an filed a, chuhtu an awm loh avangin tlinga puan an ni ta a ni.(Sawrkar Dan thar hnuaiah chuan inthlanna ni tur puan atanga thla 1 hnuah Election hi neih tur a ni a, chumi chhung chuan inthlanna-a chuh tum te chuan Nomination an file tur a ni)

Siaha District Sports Committee hruaitu thar te chu:-
1) Chairman---Deputy Commissioner

2) Sr.Vice Chairman- H.Vabeitha(Former Chairman,SDSC)

3) Vice Chairman-TT. Khulua(Former Asst.Secretary)

4) Secretary -- District Sports Officer

5)Asst.Secretary--KH.Hachhua(Former Vice President of SDSC)

6) Fin.Secretary--To be appointed.

Siaha District Sports Committee,Chairman thar Pu Lalsangliana chuan thusawina hun hmangin, Mizoram Sports and Youths Services Dept. a Director hna a lo chelh tawh thu sawiin,  thei tawp chhuaha Siaha district hi Sports lama chawi nun a tum thu a sawi a ni.

Attachment

  • Loading attachment...