Vawiin chawhma dar 10:00AM khan DC’s Conference Hall Siaha-ah District Vigilance and Monitoring Committee te chu an Chairman Pu CL.Ruala, MP (Lok Sabha) ho vin an thu khawm. He DV&MC thut khawmah hian 2015-2016, 2nd quarter-a CSS (Centrally Sponsored Scheme) khawih department hrang hrang ten 2nd quarter chhunga an hnathawh leh hmalakna hrang hrang te tarlangin, an hmachhawp hrang hrang te pawh thlir hova huang zau taka sawi ho niin, 1st quarter atanga hmasawnna an neih ang ang leh harsatna an neih te Meeting-ah hian an thlen a ni.

Vawiin meeting-a hmalakna tarlan langsarh zualte chu:

1) MGNREGA hnuaiah Siaha District chhunga Job card holder 13662 te hnenah ni 14 inhlawhna siam sak tawh a ni a. Hna hrang hrang 360 a hnathawh mek a, hna 264 zo tawhin, hna 166 thawh mek a ni.

2) IAY hnuaiah Chenna In 28 sak tawh niin, Tipa RB block hnuaiah In 17 leh Siaha RD Block hnuaiah In 11 te an ni.

3) BRGF hnuaiah Central atangin sum cheng nuai Rs.1302.00 hmu tawh niin, cheng nuai Rs.68.58 hman tawh a ni, ruahtui hul ve leh hna thawh tan a ni ang.

4) BADP hnuaiah Tipa RD Block chuan Central atangin cheng nuai Rs.159.4 hmu in, cheng nuai Rs.152.9 hman tawh a ni a.Heng BADP sum hmang te hian hna chi hrang hrang 14 zo tawhin, hna 6 kalpui mek a ni.

5) PMGSY hnuaiah central atangin cheng nuai Rs.6829.66 allocate a ni a, 1st quarter-ah cheng nuai Rs.49.55 pek chhuah tawh a niin, 2nd quarter-ah cheng nuai Rs.79.74 pek chhuah leh a ni a. Heng sum te hian Kawngpui 8, a thui zawng belhkhawm 132.79 Km sial tur a ni.

6) PHE department hnuaiah 2015-1016 chhung hian Tokalo WSS siam tur a ni a, tender process mek a ni.R&A Siaha WSS ah hian sum indaih lohna leh ‘ land dispute-ah’ harsatna tawh mek a ni a, mahse kumin-ah chuan commissioned hman tum a ni.

7) RGGVY (Rajiv Gandhi Grameen Vidhyutikaran Yojana) hnuaiah BPL chhungkua 2368 hnenah Electric eng pek tawh niin, 33/11KV sub-station sangau khua-ah bun tawh a ni.

8) National Social Assistance Programme(NSAP) hnuaiah central atangin Social welfare Department chuan cheng nuai Rs.26.862 chu kar hmasa 30.9.2015 khan hmuin, sem chhuah a la ni lo.

9) Medical Department atangin report pein; Siaha District chu IMR-ah kan tlahniam tawh hle a, tunah hian 49.7% kan ni mek ni. Maternal death hi 2015-2016-ah 4 an awm.

10) Siaha District-ah SSA enkawl School 51 a awm mek a,BPL chhungkua leh khawpui leh thingtlang khuaa chhungkua harsa-a hmeichhe naupang te tan Tipa khua-ah naupang 50 awm theihna Hostel siam a ni. Residential Special training centre 2 leh Non-residential Special training centre 2 Siaha district-ah din tawh a ni a. SSA, Siaha district chuan 1st quarter-ah School grant cheng nuai Rs.10.87 leh Maintenance Grant cheng nuai Rs.12.75 an dawn te chu sem chhuah vek a ni thu meeting-ah an thlen ve bawk.