Vawiin chawhma dar.11:00Am khan Pi. Harleen Kaur IAS, District bawrhsap  chuan Rs.5,00,000 senga sak D.R.D.A  Conference Hall, mi 200 vel  leng tur a hawng. He Hall hi DC's Conference Hall chunga awm a ni a, Hall  hi Sound System tha tak, Plastic Chair, Lectern leh  Wall Fan tha tak te a a thuam a nih bakah; a chhuat atan hian Marble Tile hman niin, Stage tha tak a awm bawk. 

He Hall hawnna programme hi Pu. V.L Hruaizela Khiangte, PD, DRDA chuan a kaihruaia, khuallian Pi. Harleen Kaur IAS, District bawrhsap chuan thu sawiin, Hall hawn theih a a awm chu lawmawm a tih thu te leh hawng theih tura thawktute an inpekna leh thawhrim na te chu fakawm a ti a. Siaha Khawpui hi khawpui thanglai a nih angin Sawrkar leh NGOs ang te pawhin Function pawimawh hi atam a, DC Complex hi hmunlai li a nih avangin, kan DC Conference Hall hi a rimin, a chang chuan kan indaih lo hle thin a.  Chu harsatna sukiang tura DRDA in Hall tha tak an lo sa ta hi, Siaha mipui te leh  Sawrkar pawhin kan tangkaipui hle ka beisei a ni, a ti.  Hall vawn thianghlim leh a chhunga awm hmanrua te dimdawi taka hman hi a hmangtu mipui te mawhphurna a ni tih i hre theuh ang u , a ti bawk. Hall hawnna ah hian Pu. N. Vabeiratlua I&PRO, Siaha District,  chuan thusawina hun tawi a hmang bawk a ni. 

Vawiin Hall hawnna Programme-ah hian  sawmbik  mi pawimawh te,  Head of Department te leh Chanchinbu mite te an tel  a ni.