Vawiin chawhma dar 11:00Am khan  District Election Officer leh Bawrhsap ni bawk Pu Bhupesh Chaudhary IAS office chamber-ah  MP(Lok Sabha-2019) inthlanna a  Siaha District a hman tur EVM leh VVPAT te computer hmang thliar fel a ni. Siaha District-ah hian Polling Station 79 a awmin, 40-Palak AC hnuaiah 43 leh 39-Saiha AC hnuaiah 36 a awm a ni.

 Siaha district chhunga hman tur EVM 123 { Ballot Unit(BU) 123 leh Control Unit(CU) 123} leh  VVPAT 127 awm chu computer  hmanga   39-Saiha AC leh 40-Palak AC a hman tura thliar fel a ni. Siaha AC hnuaiah PS a hman turin  EVM 56 leh VVPAT 58 , a bak EVM 67 leh VVPAT 69 chu 40-Palak AC hnuaia PS a hman turin computer in a thliar fel ta a ni.

EVM leh VVPAT Randomisation report te hi Party hrang hrang aiawh, vawiin 1st EVM&VVPAT  randomisation lo hriatpuitu te hnenah copy 1 theuh pek nghal an ni.