3529/2022-2023

Siaha; the 9th February,2023: Vawiin chhun (12:00 Noon) khan "Theitawp chhuahin Kangmei chhuak tur i veng ang u" ti thupui a hmangin Fire Prevention Week 2023 hawnna programme, Forest Conference Hall-ah hman a ni a. Pu M.Laikaw,CEM,MADC chuan khuallian niin vawiin programme hi a hmanpui.Pi Lalnunmawii,Addl.DC chuan programme a kaihruaiin, Pro pastor A.Lalhriatpuia'n hunserh a hmang a. MTP Branch Meisavaih 'E' ten week hawnn hla an rem bawk.

Khuallian Pu M.Laikaw chuan week hawnna thuchah sawiin Pathian in ram min pe tawh a, kan ta a ni angin, a enkawl hna chu kan mawh a ni. Ramkang leh kangmei chhuak ven hi Forest Department mawhphurhnaah chauh kan dah a ni chuan engtikah mah kan hlawhtling lovang, a chhan chu Ramkang leh Kangmei chhuak reng reng hi mihring atanga chhuak deuh vek a ni a, tihpalh vang leh tihluih avanga chhuak a ni thin. Kan za vaia kangmei tihchhuak loh tura kan fimkhur a ngai a, a lo chhuak palh a ni pawhin, a thelh hna hi mitin mawhphurna a ni, tih hriata Sawkar leh NGO kutah chauh mawhphurna dah loh tur a ni, a ti.Pu Laikaw chuan sawi zawmin, mipui hian sawrkarin Lo leh Huan hal hun a bithliah te,meikawng sial dan tur chungchangah te sawrkar thuchhuah hi kan zawm ngei ngei tur a ni. Hei hi kangmei laka kan ramngaw leh nungcha kan humhim nana rahbi pawimawh hmasa ber a ni, a ti bawk.

Pu Thaly T.Azyu, Conservator of Forests,EF&CC,MADC leh member Secretary, District Level Fire Prevention Committee ni bawk chuan report pein Nikum 2022-a Fire Prevention week a Activities an lo nei tawh te, Kangmei avanga harsatna tawh te, dan bawhchhiat te laka hremna an chelek dan te fiah takin report a pe a. Nikum 2022 chhung khan Siaha District chhungah in kang 210 awm in

Total Area Damage ah 323 Ha
From Jhum and garden burning 202.2 Ha
Adjoining or others 121.1 Ha.

Pu S.Siko,UDC,EF&CC,MADC chuan lawmthu sawina in vawiin programme hi a khar ta a ni.