15/2025-2026 

Siaha the 2nd April 2025: Vawiin chawhma dar 10 khan DC Mini Conference Hall, Siaha-ah International Fund for Agricultural Development (IFAD) team-te chuan Siaha District-ah Fostering Climate Resilient Upland Farming Systems in the North East (FOCUS 2.0) kalpui dan tur relin Addl Deputy Commissioner Pu Abraham Beirazi Khithie hovin thutkhawmna neih a ni.

Vawiin thutkhawmah hian FOCUS kalpui a nih dan leh hmalakna kalpui a nih dan tlangpui tarlanna neih a ni a, Siaha District-ah line department-te nen tangkawpin ei leh bara intoldelhna a awm theih nana huapzo taka project kalpui tura ruahmanna neih dan tur te, thlai chi bakah Ran vulh lama Siaha district dinhmunte sawiho niin chung potential area te hmasawn pui theih dan tur te ngaituahho a ni. Compact/Cluster Development kalpui a pawimawh thu te , Focus 2.0 pawh tha taka kalpui a nih theih nan theihtawp chhuah a tul thu te tarlan a ni bawk. Department hrang hrangte chuan FOCUS hnuaia tanpuina leh chhawmdawlna an mamawhte tarlangin mipui nawlpui nunah a tha zawnga nghawng a neih theih dan tur te sawiho a ni bawk.

IFAD enkawlna hnuaiah FOCUS project chu hlawhtling takin Mizorama District 6 ah te kalpui a lo ni tawh a, kum 2018 atang khan kum 6 chhung daih turin project hi kalpui a ni a. Tunah hian IFAD nen tangkawpin sawrkar chuan FOCUS 2.0 project tur atan ruahmanna a siam leh mek a ni.

He hunah hian Pi Alessandra Gage, Environment Officer (Climate Change), Pu Lalhmingmuana DD, Agri, Pu Piyush Kanal, Co Team Lead, Pu Rajshekhar Sambasivarao, Agri & NRM Specialist, Pu Kundan Singh, Economist & M&E Expert te bakah Siaha District a concerned department hotute an tel a ni.