Vawiin chawhnu dar 1:00 Pm khan Pu VL. Hruaizela Khiangte, Project Director, DRDA, Siaha  kaihruaina hnuaiah kumin 2017-a Green Mizoram Day hman dan tur relin Siaha District Green Mizoram Committee ten meeting an nei.

Vawiin meeting chuan Siaha District chhunga Green Mizoram Day, 2017 hi Chawlhni (Sunday) a nih avangin tahrik Ni 9 (Zirtawp) zing dar 7:00Am-ah hman nise, a hawnna hmun atan D.C's Office Complex-ah neih nise, Pi Harleen Kaur IAS, District Bawrhsap chu khuallian atan hman nise tih a rel a. Kumin Green Mizoram Day Ni-a Thing tiak phun tur chu MADC Forest Department in a tum ang a, Thingtiak te hi District Playground-ah sem a ni ang. Department hrang hrang ten an department ram chhunga phun tur Thingtiak an mamawh zat chu MADC Forest Department hnenah in report zel nise, Department Thing tiak phunna tur ram nei remchang lote chuan Roadside-ah emaw hmun remchang dangah phun mai sela tih a rel a ni.

Kumin Green Mizoram Day-2017 hawnna inkhawm-ah hian kumin chhunga Kangmei ven kawnga titha zual thlan khua te lawmpuina leh chawimawina hun hman ni bawk se tih a rel a ni.