959/2026-2027

Siaha the 11th June 2026:Green Mizoram Day 2026 lawmna chu vawiin khan MADC Forest Hall, Siaha-ah hman a ni a. MADC a Forest changtu EM Pu Tiahlei Syuhlo chu Khuallian niin Addl DC Pu Abraham Beirazi Khithie chuan he hun hi a kaihruai.

Khuallian Pu Tiahlei Syuhlo chuan Green Mizoram Day inaugural programme a kalkhawmte chungah lawmthu a sawi a, kumin thupui atana thlan ‘Trees are the roots of all life’ tih chuan thing leh mau pawimawhna, thingtiak phun pawimawh zia a sawifiah chiang hlea a hriat thu a sawi.

EM (Forest ) chuan kumtinin thing tiak tam tak phun a ni thín a, phun tam ngaihtuahin puitling zui ta erawh chhiar tham lek a ni thìn chu veiawm a tih thu a sawi. Kumina Green Mizoram Day puala thingtiakte chu Forest department in tha leh zung, sum leh pai tam tak senga ramngaw atang leh state dang atanga theihtawpa a lakkhawm te an ni a, a enkawl zui kawngah thahnemngaihna tak tak nen tha thara tan lakpui turin kalkhawmte a sawm a ni.

Pu Jimmy N Ramdina, DCF MADC chuan ‘Best Village in Combating Fire prevention’ award hlanna neiin a hnen atang hian report tawi ngaihthlak a ni bawk. Lawmman dawngtute chu: 

1. Tokalo  : Citation + Rs 50,000/- 

  2.  Amotlah : Citation + Rs 30,000/- 

  3.  Tisi: Citation + Rs 20,000/- 

Best Media in fire prevention award pawh sem niin a hnuaia tarlante hian lawmman an dawng .

1. Kawleng Daily Newspaper 

2. ⁠Moonlight Daily Newspaper 

3. ⁠Maraland Daily Newspaper 

Vawiin programme ah hian Pu Vabeikhaihmo Solo, CF MADC chuan hunserh a hmang a, Hun kaihruaitu in lawmthu sawina neiin Green Mizoram Day inauguration  hun tihtawp a ni.

Vawiin inaugural programme zawh hian Mizoram sawrkar leh MADC a department hrang hrangte chuan Siaha khaw daiah fehchhuakin hmun hniha inthenin thing phunna run pui an nei bawk a ni.