No.2052/2021-2022

Aizawl ; the 30th August,2021: Vawiin chawhnu khan DC conference Hall-ah Kum 2020-2021 chhunga MBSE hnuiaa HSSLC examination a hmeichhe naupang zirlai pass tha zual 7 te chawimawina hun Beti Bachao Beti Padhao(BBBP) scheme atangin buatsaih a ni a. He hun hi Pu Kesavan R IAS, Siaha district Bawrhsap chuan khuallian niin a hmanpuia, zirlai naupang titha te hnenah Cition,BBBP Mug leh tangkafai Rs.5000/- theuh a hlan.

Pu Kesavan chuan zirlai hmeichhe naupang titha chu a lawmpui thu sawiin, a zirna sang zawk an panna kawngah an zirlai tibuai theih thil leh harsatna hrang hrang an tawh hunah pawh, an mahni leh an chhungte tan chauh ni lovin, Siaha district pumpui tana zir an ni, ti hre rengin leh Siaha mipui ten an lakah beiseina sang tak neiin, an thlir reng a ni, tih theihnghilh loh turin a chah hlawm.

Vawiin hmeichhe zirlai na u pang HSSLC examination a ti tha an chawimawi te chu:
1) Ellish H.Ngôpha
2)HC.Ngôsua
3)J.Beibiasa
4)Rebek R.Liansangpuii
5)K.Sindi
6)Satei Dina
7)Vanlalhriatchhungi te an ni a. An vai hian Distinction ah vek pass in, Foxall HSS student vek an ni. Vanlalhriatchhungi hi science stream niin, a bak Zawng hi Arts Stream an ni.

Vawiin Programme hi Pi B.Zisia,Women Welfare Officer,MSK in Kaihhruaiin, Pi Lalnunmawii, SDO(S) leh Nodal officer,BBBP ni bawk chuan lawmthu sawina in vawiin programme hi a khar ta a ni.

Naktuk(31/08/2021) khian HSLC examination a titha hmeichhe zirlai naupang, urban area atangin zirlai 13 leh rural area atangin 17, an vaiin hmeichhe zirlai naupang 30 an chawimawi leh dawn a ni