2002/2024-2025

Siaha the 11th September 2024: District Hub for Empowerment of Women (DHEW), Women & Child Development, Siaha bultumin vawiin chawhma Dar 11 khan MADC’s Golden Jubilee Hall, Siaha-ah International Literacy Day puala hun hman a ni a, CDPO Pi Hepaw Hlychho chuan he hun hi kaihruaiin Addl DC Pu Abraham Beirazi Khithie chu Khuallian a ni.

Khuallian Pu Abraham Beirazi Khithie chuan International Literacy Day puala hun buatsaih a ni chu lawmawm a tih thu sawiin kum 1960 chho vel khan ziak leh chhiar thiam an la tlem hle a, Iran khawpui Tehran-a ram hrang hrang hruaitu kalkhawm chuan hmalak a rel tiin a kumleh 1966-ah UN peng pakhat UNESCO General Conference chuan kum tin September ni 8 chu International Literacy Day a hman thin tura a rel tak thu a tarlang.

Missionary-te zarah Mizoram chu ziak leh chhiar kan thiam phah a, India ram pum huap ang pawhin Literacy rate-ah a sang ber pawl a nih phah tak thu Addl DC chuan a sawi. Ziak leh chhiar thiam tam satliah aia pawimawh thiamna ziktluak, thiamna tak tak neih a pawimawh zawk a ti a, mi hlawhtling ni tur chuan Pass tur ringawt nilovin thiamna tak nei tura zir a tul a, nih tum chiang tak neia zir tur leh an tumna hlenchhuak ngei tura taihmakna nei tur te, Khawtlang, pawl leh kohhrana inhman dan chintawk nei turin a fuih a. An hlawhtlin hunah ram leh khawtlang tan an la tangkai thei zawk dawn tiin taima taka lehkha zir turin kalkhawm zirlaite a fuih bawk a ni.

Siaha District Beti Bachao, Beti Padhao (BBBP) Ambassador Pi P Chaki, MCHP Gen Hqrts President ni bawk pawhin thu sawiin rei tak Zirtirtu hna a lo thawh ve tawh thin thu a tarlang a, zirlaite chu mahni awmhmun atang theuhin ram leh hnam siam tha tu an ni thei a ti a, eng ang dinhmunah pawh ding se, rinawm taka an hna an thawh theuh chuan ram siamtha tu an nih theih vek thu a sawi. Zirtirtu kalkhawmte pawh ram siam tha tu tur chherchhuaktu an ni thei a, an hna chu a zahawm hle ti bawkin theihtawp chhuah turin a fuih bawk.

International Literacy Day pual hian Siaha District chhunga School thlan bik te ah ‘Importance of Girl Child Education’ tih thupui hmangin competition buatsaih a ni a, Lorrain English School, Don Bosco School, Adventist English Academy, Presbyterian English School, Meisavaih E Primary School, New Siaha West Primary School leh Govt Vaihpi High School-te an tel a ni.

Category hrang hrang a lawmman dawngtu te chu;
Slogan and Drawing Competition ( Primary School)

1) Lorrain English School (Class-III) : Hei hian citation bakah pawisa fai cheng 15,000/- a keng.
2) Adventist English Academy (Class V): Hei hian citation bakah pawisa fai cheng 10,000/- a keng.
3) Presbyterian English School (Class IV) : Hei hian citation bakah pawisa fai cheng 8,000/- a keng.

Consolation prizes : Hei hian citation bakah pawisa fai cheng 5,000/- a keng tel bawk.
1) Meisavaih East P/S (Class-IV)
2) New Siaha West P/S (Class-III)

Essay Writing Competition (Middle School)

1) Zipawri Solo : Don Bosco School, Class VIII. Hei hian Citation bakah pawisa fai cheng 5,000/- a keng.
2) Caroline L Beihmingia : Lorrain English School, Class VI. Hei hian citation bakah pawisa fai cheng 3,000/- a keng.
3) Bethseby Zodinpuii; Hill Gate School, Class-VIII. Hei hian citation bakah pawisa fai cheng 2,000/- a keng tel bawk.

Essay Writing Competition (High School)

1) V Elisa : Lorrain English School, Class- X. Hei hian Citation bakah pawisa fai cheng 5,000/- a keng.
2) Stanis Hnaihly: Govt Vaihpi H/S, Class X. Hei hian citation bakah pawisa fai cheng 3,000/- a keng.
3) Mandy Nôsia Khithie: Don Bosco School, Class IX. Hei hian citation bakah pawisa fai cheng 2,000/- a keng tel bawk.

Hun kaihruaitu CDPO, Pi Hepaw Hlychho chuan International Literacy Day chu kum tin September ni 8 a hman thin a ni nain, remchan zawkna avangin vawiina hman a nih thu a tarlang. Prize distribution hi Pu KC Robin Thahmo, SFL, DHEW Siaha chuan a kaihruai a , Pi B Zisia, DMC DHEW Siaha chuan vote of thanks sawiin vawiin hun hi tihtawp a ni.

International literacy Day Lawmna-ah hian MCHP Gen Hqrts president leh Senior Vice President te, MTP Gen Hqrts President leh Gen Secrerary te bakah School Principal-te leh Zirlai naupang thahnem tak a tel a ni.